الماتى قالاسى اكىمىنىڭ ورىنباسارى بەيبىت شاحانوۆ مالىمدەپ وتىرعانداي, الماتىلىقتاردىڭ دەنساۋلىعىن قورعاۋ – قالا اكىمدىگىنىڭ باستى مىندەتتەرىنىڭ ءبىرى. وسى باعىتتا 2030 جىلعا دەيىن مەگاپوليستە 32 جاڭا جانە 14 ەسكى مەديتسينالىق نىساندى جاڭعىرتۋدى قامتيتىن 46 دەنساۋلىق ساقتاۋ مەكەمەسىن دامىتۋ باعدارلاماسى جۇزەگە اسىرىلىپ جاتىر, دەپ جاتىر Egemen.kz.
بارلىق جاڭا نىساندار زاماناۋي ستاندارتتارعا ساي سالىنىپ, كلينيكالىق-دياگنوستيكالىق ورتالىقتارمەن جابدىقتالادى. بۇل مەديتسينالىق قىزمەتتەردىڭ ءار تۇرعىنعا قادامدىق قولجەتىمدى بولۋىن قامتاماسىز ەتپەك.
قازىردىڭ وزىندە قالادا 8 جاڭا مەديتسينالىق نىساننىڭ قۇرىلىسى ءجۇرىپ جاتىر.سونىمەن قاتار, ءۇش نىساندا سەيسميكالىق كۇشەيتۋ, قايتا جاڭارتۋ جۇمىستارى ءجۇرىپ جاتىر. ولاردى بيىلعى جىلدىڭ سوڭىنا دەيىن اياقتاۋ جوسپارلانعان.كەلەسى جىلى تاعى 30 نىساننىڭ قۇرىلىسى باستالادى. ولاردىڭ جوبالىق-سمەتالىق قۇجاتتاماسى ازىرلەنگەن.
«ماقساتىمىز – ءاربىر تۇرعىن ءوز ءۇيىنىڭ جانىندا ساپالى مەديتسينالىق كومەك الا الاتىنداي جاعداي جاساۋ. بارلىق جوبالار قولايلىلىق پەن زاماناۋي قىزمەت كورسەتۋگە باعىتتالعان», دەيدى قالا اكىمىنىڭ ورىنباسارى بەيبىت شاحانوۆ.