2025 جىلدىڭ 22 قازانى كۇنى «قۇقىقتىق ءتارتىپ» جەدەل-پروفيلاكتيكالىق ءىس-شاراسى اياسىندا قىزىلوردا وبلىسى اۋماعىنداعى «قارابۇتاق-قىزىلوردا-شىمكەنت» تاس جولىنىڭ 1623-1547 شاقىرىمىندا قىزمەت اتقارۋ كەزىندە پوليتسيا مايورى ناريمان راحمەتوۆ پەن پوليتسيا اعا لەيتەنانتى ءادىلجان نۇرلان ۇلى جوعالعان ءجاسوسپىرىمدى تاپتى, دەپ حابارلايدى Egemen.kz.
ساعات 12:00 شاماسىندا وپد جپقب كەزەكشى بولىمىنەن باعىتتاما ءتۇسىپ, وندا 2025 جىلدىڭ 21 قازان كۇنى ساعات 09:00-دە ورال قالاسىنان 15 جاستاعى ءجاسوسپىرىمنىڭ بەلگىسىز باعىتقا شىعىپ كەتىپ, ۇيىنە ورالماعانى حابارلانعان ەدى.
جەدەل ىزدەستىرۋ شاراسى بارىسىندا الماتى قالاسى باعىتىنا قاراي كەتىپ بارا جاتقان Toyota ماركالى كولىك توقتاتىلىپ, تەكسەرۋ كەزىندە كولىكتەگى ءجاسوسپىرىمنىڭ باعىتتاماداعى بالا ەكەندىگى انىقتالدى.
ول قارماقشى اۋداندىق پوليتسيا بولىمىنە جەتكىزىلىپ, اتا-اناسىنا امان-ەسەن تابىلعانى تۋرالى حابار بەرىلدى.