دۇنيەجۇزىلىك بانك پەن حالىقارالىق ۆاليۋتا قورىنىڭ جىل سايىنعى سەسسيالارىنا قاتىسۋ شەڭبەرىندە ۆيتسە-پرەمەر – ۇلتتىق ەكونوميكا ءمينيسترى سەرىك جۇمانعارين باستاعان ەلىمىزدىڭ دەلەگاتسياسى نيۋ-يورك قور بيرجاسىنا (New York Stock Exchange, NYSE) باردى.
بيرجانىڭ قىزمەتى مەن نەگىزگى باعىتى تۋرالى NYSE ستراتەگيالىق وپەراتسيالار جانە كورپوراتيۆتىك قاتىناستار دەپارتامەنتىنىڭ باسشىسى ۋيلل گۋدۆين ايتىپ بەردى.
NYSE وكىلدەرى قازاقستان رەسپۋبليكاسىنىڭ مەملەكەتتىك باعالى قاعازدارىن ورنالاستىرۋ مۇمكىندىگىنە, سونداي-اق مەملەكەتتىڭ قاتىسۋىمەن ءىرى ۇلتتىق كومپانيالاردىڭ بيرجاعا شىعۋ كەلەشەگىنە بايلانىستى بارلىق سۇراققا ەگجەي-تەگجەيلى جاۋاپ بەرىپ, ساۋدا-ساتتىقتى ۇيىمداستىرۋ جانە ەميتەنتتەرمەن ءوزارا ارەكەتتەسۋ سالاسىنداعى تاجىريبەسىمەن ءبولىستى.
ساپار سوڭىندا دەلەگاتسيا ساۋدا زالىنىڭ جۇمىسىمەن جانە بيرجانىڭ جۇمىس ىستەۋ تەتىگىمەن تانىستى.