ونى ويلاپ تاپقاندار – الماتى قۇرىلىس-تەحنيكالىق كوللەدجىنىڭ 3 كۋرس ستۋدەنتتەرى عابباس بايازيتوۆ, گەورگي شيكين, نازيم اليەۆ. ولاردىڭ جوباسىندا اۆتوماتتاندىرۋ ۇدەرىستەرى, سەنسورلىق باقىلاۋ جانە جي ەلەمەنتتەرى بىرىكتىرىلگەن, دەپ جازادى Egemen.kz.
IoT قۇرىلعىلارى جانە باعدارلامالىق جاساقتامانىڭ ينتەگراتسياسى ارقاسىندا جىلىجاي ميكروكليماتتى, جارىقتاندىرۋدى, سۋارۋدى وزدىگىنەن رەتتەي الادى. جوبا وسىمدىكتەردى كۇتىپ-باپتاۋعا ادامنىڭ ارالاسۋىن بارىنشا ازايتۋعا باعىتتالعان.
جوبا جەتەكشىسى شەرنياز كابدۋشەۆتىڭ ايتۋىنشا, وندىرىستىك وقىتۋ شەبەرلەرىنىڭ جەتەكشىلىگىمەن ستۋدەنتتەر وزدەرىنىڭ جوعارى دەڭگەيلەرىن كورسەتىپ وتىر.
وقۋ-اعارتۋ مينيسترلىگىنىڭ مالىمەتىنشە, ەنەرگوۇنەمدىلىك ەرەكشە ءمان بەرىلگەن جىلىجاي – كۇن پانەلدەرىمەن جابدىقتالعان, ال باعدارلامالىق قامتاماسىز ەتۋ جۇيەسى ينتەرنەتكە شەكتەۋلى قولجەتىمدىلىك جاعدايىندا دا جۇمىس ىستەي الاتىنداي ەتىپ جاسالعان.
ستۋدەنتتەر جوبانى ودان ءارى دامىتۋدى جوسپارلاپ وتىر.