Meta كومپانياسى جاساندى ينتەللەكت باعىتىنا باسىمدىق بەرىپ, كومپانيا قۇرىلىمىن وزگەرتىپ جاتىر. كومپانيا 8 مىڭ قىزمەتكەرىن جۇمىستان شىعارىپ, تاعى 7 مىڭ قىزمەتكەرىن جاڭا جاساندى ينتەللەكت باعىتىنداعى بولىمشەلەرگە اۋىستىرعان, دەپ حابارلايدى Egemen.kz.
سونىمەن قاتار تسۋكەربەرگتىڭ باسقارۋىنداعى كومپانيا ىشكى قۇرىلىمدا جي نەگىزىندە جۇمىس ىستەيتىن ونىمدەر مەن سەرۆيستەردى ازىرلەۋگە ارنالعان ءتورت جاڭا باعىت قۇرعان.
كومپانيا قىزمەتكەرلەرىنە 20 مامىر كۇنى ۇيدەن جۇمىس ىستەۋ ۇسىنىلىپ, كادرلىق شەشىمدەر تۋرالى حاتتاردى كۇتۋ تاپسىرىلعان. بىرقاتار اۋىستىرۋلار الدىن الا جۇزەگە اسقان.
Meta نەگىزىن قالاۋشى مارك تسۋكەربەرگ جاساندى ينتەللەكتتىنى «بۇگىنگى زاماننىڭ ەڭ ماڭىزدى تەحنولوگياسى» دەپ اتاپ, وسى سالادا كوشباسشى كومپانيالار كەلەشەك يندۋستريانىڭ باعىتىن ايقىندايتىنىن مالىمدەدى.
يلون ماسك OpenAI-عا قارسى سوتتا جەڭىلىپ قالدى
قايتا قۇرىلىمداۋ پروتسەسى ءساۋىر ايىندا باستالعان جاپپاي قىسقارتۋ شارالارىنىڭ جالعاسى بولىپ وتىر. ول كەزدە كومپانيا 8 مىڭ قىزمەتكەردى قىسقارتىپ, قوسىمشا 6 مىڭ بوس جۇمىس ورنىن توقتاتاتىنىن حابارلاعان.
ەسكە سالا كەتەيىك, بۇعان دەيىن جاڭا تەحنولوگيا باعىتىندا ەڭ قىمبات كومپانيا سانالعان Nvidia-نىڭ جىلدىق تابىسى گەرمانيا ەكونوميكاسىنان اسىپ تۇسكەندىگىن جازعان بولاتىنبىز.