جاڭا جۇقتىرۋ جاعدايلارىنىڭ باسىم بولىگى يتۋري پروۆينتسياسىندا انىقتالعان.
كورشىلەس ۋگاندادا دەنساۋلىق ساقتاۋ ورگاندارىنىڭ مالىمەتىنشە, اۋرۋدىڭ 19 جاعدايى راستالىپ, ەكى ادام قايتىس بولعان.
10 ماۋسىم كۇنى كونگودا ەبولا ۆيرۋسىنان 115 ادام قايتىس بولعان. مامىر ايىنىڭ سوڭىندا تەدروس ادحانوم گەبرەيەسۋس الەم بويىنشا ەبولا اۋرۋىنىڭ 900-دەن استام كۇدىكتى جاعدايى تىركەلگەنىن, ونىڭ ىشىندە 101 جاعدايدىڭ زەرتحانالىق تۇرعىدا راستالعانىن مالىمدەگەن.
روسپوترەبنادزور مالىمەتىنشە, ەبولا قىزباسىن جۇقتىرۋ قاۋپى جوعارى وڭىرلەردەن كەلەتىن ادامداردىڭ دەنساۋلىق جاعدايىن باقىلاۋ ءۇشىن شەكاراداعى وتكىزۋ بەكەتتەرىندە سانيتارلىق-كارانتيندىك باقىلاۋ كۇشەيتىلگەن.
بۇعان دەيىن كونگو ەبولا ۆيرۋسىنىڭ كەسىرىنەن الەم چەمپيوناتىنا قاتىسا الماۋى مۇمكىن ەكەنى حابارلاندى.
