استانا. 19 اقپان. اقتوبەدە «نۇر وتان» پارتياسى وبلىستىق فيليالى توراعاسىنىڭ ءبىرىنشى ورىنباسارى تاعايىندالدى. بۇل تۋرالى پارتيا ءباسپاسوز قىزمەتىنىڭ اقپارىنا سۇيەنگەن «دياپازون» حابارلادى.
«نۇر وتان» پارتياسى اقتوبە وبلىستىق فيليالى توراعاسىنىڭ ءبىرىنشى ورىنباسارى بولىپ ءمادي ەلەۋسىزوۆ تاعايىندالدى», - دەلىنگەن ءباسپاسوز پاراقشاسىندا.
م.ەلەۋسىزوۆ ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىن ەكونوميست, ال رەسەي كەدەن اكادەمياسىن زاڭگەر ماماندىقتارى بويىنشا بىتىرگەن. ەڭبەك جولىن اقتوبە وبلىسى شالقار قالاسىندا «يۋجبوزوي» اكتسيونەرلىك قوعامىندا ەكونوميست بولىپ باستادى. وسىدان كەيىنگى جىلدارى وبلىستىق كەدەندىك باقىلاۋ باسقارماسىندا ينسپەكتور, ءبولىم مەڭگەرۋشىسى, قوبدا اۋدانى اكىمىنىڭ ورىنباسارى, وبلىس اكىمى اپپاراتى جەتەكشىسىنىڭ ورىنباسارى بولدى. 2010 جىلدان اقتوبە وبلىسى مارتوك اۋدانىن باسقارىپ كەلدى.
مۇرات ايتقوجا.