25 قازاندا قازاقستاندا ۇلتتىق مەرەكە – رەسپۋبليكا كۇنى كەڭ كولەمدە اتالىپ وتەدى. بۇل كۇنگە وراي ەلوردادا مادەني, سپورتتىق, ءبىلىم بەرۋ جانە الەۋمەتتىك باعىتتاعى 150-دەن استام ءتۇرلى ءىس-شارا ۇيىمداستىرىلادى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
بيىل دا قالا بويىنشا اۋقىمدى باعدارلاما ازىرلەنىپ, ءىس-شارالار لەگى قازان ايىنىڭ باسىنان باستاپ جالعاسادى. مەرەكەلىك جوسپار اياسىندا كونتسەرتتەر, كورمەلەر, سپورتتىق جارىستار, ادەبي جانە عىلىمي كەزدەسۋلەر, قايىرىمدىلىق اكتسيالارى, سونداي-اق ەل تاۋەلسىزدىگى مەن بىرلىگىن دارىپتەيتىن مادەني جوبالار قامتىلعان. باعدارلاما تەك قالانىڭ ورتالىق بولىگىندە عانا ەمەس, تۇرعىن الاپتاردا, مەكتەپتەردە, مادەنيەت ۇيلەرىندە جانە سپورت نىساندارىندا وتەدى.
ءىس-شارالار بارىسىندا ءتۇرلى سالادا ەڭبەك ەتىپ جۇرگەن ۇزدىك ماماندار, ارداگەرلەر مەن قوعامدىق بەلسەندى ازاماتتار ماراپاتتالادى. ال ءبىلىم بەرۋ ۇيىمدارىندا وقۋشىلار مەن جاستار ءۇشىن پىكىرتالاس تۋرنيرلەرى, شىعارماشىلىق بايقاۋلار, ەسسە مەن ولەڭ وقۋ كونكۋرستارى, تانىمال تۇلعالارمەن كەزدەسۋلەر جانە پاتريوتتىق چەللەندجدەر وتكىزىلەدى.
قازان ايىنىڭ 1-22 ارالىعىندا ەلوردادا «قالامگەر ۇستاحاناسى» اتتى ادەبي جوبا جالعاسىپ جاتىر.
16 قازاندا ازاماتتىق باستامالار ورتالىعى «ازاماتتىق بىرەگەيلىكتى قالىپتاستىرۋ: ۇلتتىق قۇندىلىقتاردىڭ ءرولى» تاقىرىبىندا سەمينار وتكىزەدى.
16-17 قازاندا سارىارقا اۋدانىندا مۇعالىمدەر اراسىندا اكىم كۋبوگىنا ارنالعان ۆولەيبول جارىسى مەن ۇلتتىق ويىنداردان سپارتاكيادا وتەدى.
17 قازاندا №50 «قازعارىش» مەكتەپ-ليتسەيىندە «اسىل مۇرا» رەسپۋبليكالىق ونەر بايقاۋىنىڭ قالالىق كەزەڭى ۇيىمداستىرىلسا, №117 مەكتەپتە «قازاعىم دەپ سوعادى جۇرەگىم» اتتى پاتريوتتىق اندەر بايقاۋى وتەدى. وسى كۇنى نۇرا اۋدانىندا الەۋمەتتىك جاعىنان از قامتىلعان وتباسىلارعا كومەك كورسەتۋ ماقساتىندا «جاناشىر جۇرەك» قايىرىمدىلىق اكتسياسى وتەدى.
18 قازاندا ەلوردا جۇرتشىلىعى ءۇشىن ەڭ قىزىقتى سپورتتىق وقيعالاردىڭ ءبىرى – «قازاقستان بارىسى» ءتۋرنيرى «بارىس ارەنا» مۇز سارايىندا وتەدى. وعان رەسپۋبليكا بويىنشا ۇزدىك بالۋاندار قاتىسادى. سول كۇنى پاراليمپيادالىق دايىندىق ورتالىعىندا بوچچا سپورتىنان اشىق تۋرنير ۇيىمداستىرىلسا, سىعاناق كوشەسىندەگى سپورت كەشەنىندە پەنچاك سيلاتتان جارىس وتەدى. سونىمەن قاتار «ازيا پارك» ساۋدا ورتالىعىندا «Republic Day» اكتسياسى اياسىندا تاريحي-كوركەم ءفيلمنىڭ كورسەتىلىمى بولادى.
18-19 قازان كۇندەرى «ەسىرتكىگە قارسى سپورت» اتتى اشىق تۋرنيردە 12-21 جاس ارالىعىنداعى جاستار سپورتتىڭ بىرنەشە تۇرىنەن سىنعا تۇسەدى. ال 19 قازاندا الماتى اۋدانى مۇعالىمدەرى اراسىندا ۆولەيبول جارىسى وتەدى.
20 قازاندا «شاراپات» الەۋمەتتىك قىزمەت كورسەتۋ ورتالىعىندا «قازاقستان رەسپۋبليكاسىنىڭ مەملەكەتتىك ەگەمەندىگى تۋرالى دەكلاراتسيانىڭ قابىلدانعانىنا 35 جىل» تاقىرىبىندا ادەبي-اعارتۋشىلىق ساعات ۇيىمداستىرىلادى. سونداي-اق «رۋحانيات» كمم-دە «وتانىم مەنىڭ – قازاقستان» اتتى دوڭگەلەك ۇستەل, ال ەسىل اۋدانىندا ۇلتتىق اكادەميالىق كىتاپحانامەن بىرلەسكەن «تاۋەلسىز قازاقستان» اتتى پاتريوتتىق ساباق وتەدى.
دوستىق ۇيىندە «مامىلە» پىكىر كلۋبىنىڭ ساباعى, مەملەكەتتىك قىزمەتشىلەرگە ارنالعان «مەملەكەت جانە ءدىن: ءوزارا ىقپالداستىقتىڭ قازىرگى ۇردىستەرى» اتتى سەمينار, سونداي-اق «ازيا پارك» سوو-دا فيلم كورسەتىلىمى جوسپارلانعان. سول كۇنى بايقوڭىر اۋدانىنداعى №3 مەكتەپتە «ۇلتتىق كيىم اپتالىعى» باستالىپ, الماتى اۋدانىندا از قامتىلعان وتباسىلارعا ارنالعان «جاناشىر جۇرەك» اكتسياسى وتەدى.
20-25 قازان ارالىعىندا №3 بالالار مۋزىكالىق مەكتەبى «قىران ەلىم – قازاقستانىم!» اتتى پاتريوتتىق چەللەندج وتكىزەدى. سونىمەن قاتار الەۋمەتتىك جەلىلەردە «مەنىڭ رەسپۋبليكام – مەنىڭ تاڭداۋىم!» اتتى ونلاين-چەللەندج ۇيىمداستىرىلادى.
21-25 قازان ارالىعىندا ەلوردادا رەسپۋبليكالىق سۋرەتشىلەر سيمپوزيۋمى وتەدى. 21-24 قازان كۇندەرى «نۇرلى جۇرەك» ورتالىعىندا «مەنىڭ وتانىم – قازاقستان» اتتى فوتوكورمە كورەرمەن نازارىنا ۇسىنىلادى.
21 قازاندا مەملەكەتتىك رامىزدەر الاڭىندا تۇرعىندار مەن جاستار قازاقستان رەسپۋبليكاسىنىڭ مەملەكەتتىك گيمنىن ورىنداپ, فلەشموب وتكىزەدى. سول كۇنى تاتتىمبەت اتىنداعى №1 ونەر مەكتەبىندە «ماڭگىلىك جاسا, قىران ەلىم – قازاقستانىم!» اتتى ءدارىس-كونتسەرت جانە «قولجازبا – تاريحتىڭ رۋحاني قازىناسى» اتتى عىلىمي-تانىمدىق سەمينار وتەدى. سونىمەن قاتار «سارىارقا جۇلدىزى» پاتريوتتىق اندەر بايقاۋى مەن ازاماتتىق بەلسەندىلىككە ارنالعان جاستار ترەنينگى ۇيىمداستىرىلادى.
22 قازاندا «دەمەۋ» ورتالىعىندا «رەسپۋبليكانىڭ مارتەبەسى – حالىق بىرلىگىندە» اتتى كونتسەرت, «شاراپات» ورتالىعىندا مەرەكەلىك باعدارلاما جانە ء«وندىرىس» سپورت كەشەنىندە جاس سپورتشىلار اراسىندا قازاق كۇرەسىنەن اشىق بىرىنشىلىك وتەدى. سول كۇنى №99 مەكتەپتە «ەلىمنىڭ ءۇنى – جۇرەگىمنىڭ ءۇنى» فلەشموبى, ۇلتتىق مۋزەيدە ەسىل اۋدانىنىڭ مەكتەپ وقۋشىلارىنا ارنالعان ەكسكۋرسيا جانە ءال-فارابي اتىنداعى وقۋشىلار سارايىندا «ەلىم دەگەندەر!» رەسپۋبليكالىق شىعارماشىلىق بايقاۋى وتەدى.
سول كۇنى ازاماتتىق قوعام وكىلدەرى قوعامدىق كەلىسىم مەن الەۋمەتتىك دامۋ ماسەلەلەرىن تالقىلايتىن ديالوگ الاڭىندا باس قوسادى. ال دوستىق ۇيىندە ء«داستۇر مەن بىرلىك – ءبىر شاڭىراق استىندا» اتتى فەستيۆال وتەدى.
23 قازاندا ازاماتتىق باستامالار ورتالىعى «قازاقستان رەسپۋبليكاسىنىڭ ەۆوليۋتسياسى: تاريحي جول جانە دامۋ كەلەشەگى» اتتى دوڭگەلەك ۇستەل وتكىزەدى. سول كۇنى مەكتەپ پارلامەنتتەرى توراعالارىنىڭ يناۋگۋراتسياسى, ۇلتتىق ارحيۆتە كىتاپ كورمەسى, نازارباەۆ ۋنيۆەرسيتەتىندە «Republic Day» كونتسەرتى, ء«وندىرىس» سپورت كەشەنىندە ءداستۇرلى «بايقوڭىر بارىسى» ءتۋرنيرى وتەدى.
23 قازاندا الماتى اۋدانىندا ەرەكشە بالالارعا ارنالعان «وردا» ورتالىعى اشىلادى. بەلسەندى ۇزاق ءومىر ءسۇرۋ ورتالىعىندا كونتسەرت ۇيىمداستىرىلىپ, كەلەسى كۇنى, 24 قازاندا زەينەتكەرلەر اراسىندا شاحمات ءتۋرنيرى وتەدى.
24 قازاندا ەلوردا تۇرعىندارى «قازاقستان رەسپۋبليكاسى: يدەيا تاريحى جانە ينستيتۋتسيونالدىق قالىپتاسۋ جولى» تاقىرىبىنداعى اشىق ءدارىستى تىڭداي الادى. سول كۇنى «نۇرلى جۇرەك» ورتالىعىندا فوتوكورمە, «الجير» مەموريالدىق كەشەنىندە «قازاقستان – تۋعان ەلىم, ۇلى ولكەم!» اتتى اكتسيا, ال ەسىل ۋنيۆەرسيتەتىندە ەلتاڭبا اۆتورى جانداربەك مالىبەكوۆتىڭ قاتىسۋىمەن ءدارىس وتەدى. الماتى اۋدانىندا الەۋمەتتىك وسال ازاماتتارعا ازىق-ت ۇلىك سەبەتتەرى تاراتىلادى.
25 قازاندا ءازىربايجان مامبەتوۆ اتىنداعى مەملەكەتتىك دراما جانە كومەديا تەاترىندا «سايگ ۇلىك» سپەكتاكلى قويىلادى. ترياتلون پاركىندە مەرەكەلىك جۇگىرۋ شاراسى, ال ەسىل جاعالاۋىندا قازاقستان حالقى اسسامبلەياسىنىڭ ەتنومادەني ورتالىقتارىنىڭ قاتىسۋىمەن كونتسەرت وتەدى.
سول كۇنى «Mega Silk Way» جانە «Abu Dhabi Plaza» ساۋدا ورتالىقتارىندا دومبىرا تارتۋ, مۋزىكالىق كۆارتەت ونەرى, بالالارعا ارنالعان ويىندار مەن سۋرەت سالۋ شەبەرلىك ساباقتارى ۇيىمداستىرىلادى. 25-27 قازان ارالىعىندا «داۋلەت» تەننيس ورتالىعىندا اۋەسقويلار اراسىنداعى تۋرنير وتەدى.
مەرەكە كۇندەرى تۇرعىن الاپتاردا ەسترادا جۇلدىزدارىنىڭ قاتىسۋىمەن كونتسەرتتەر مەن حالىقتىق سەرۋەندەر ۇيىمداستىرىلادى.