گازا قالاسىندا حاماس قوزعالىسى قارسىلاستارىنا قارسى رەپرەسسيالىق وپەراتسيا جۇرگىزىپ, كەمىندە 32 ادامنىڭ ءومىرىن قيدى. بۇل وقيعا يزرايلمەن جاسالعان اتىستى توقتاتۋ كەلىسىمىنەن بىرنەشە كۇن وتكەن سوڭ بولدى, دەپ حابارلايدى Egemen.kz.
Euronews اگەنتتىگىنىڭ مالىمەتىنشە, قارۋلى قاقتىعىستار كەزىندە 32 ادام قازا تاۋىپ, ونداعان ادام جارالانعان. حاماس شامامەن ەكى مىڭ ساربازىن جۇمىلدىرعان, ال ءوز تاراپىنان التى جاۋىنگەرىنەن ايىرىلعانى جايلى دەرەكتەر بار, بىراق بۇل اقپارات رەسمي تۇردە راستالماعان.
قوزعالىسقا باعىنىشتى ىشكى ىستەر مينيسترلىگى اتىستى توقتاتۋ كەلىسىمىنەن كەيىن ءتارتىپتى ساقتاۋ ماقساتىندا 7 مىڭعا جۋىق قاۋىپسىزدىك كۇشىن گازا اۋماعىنا ورنالاستىرعان. دەگەنمەن ساراپشىلاردىڭ پىكىرىنشە, بۇل شارالار بيلىكتى ساقتاپ قالۋعا باعىتتالعان ىشكى قىسىمنىڭ كورىنىسى بولۋى مۇمكىن.
يزرايل تاراپى بولسا, بولاشاق بەيبىت كەلىسىم اياسىندا حاماس-تىڭ تولىقتاي قارۋسىزدانۋىن جانە تاراتىلۋىن تالاپ ەتكەن.