اقتاۋ. 19 اقپان. جاڭاوزەن قالاسىندا ەكپەدەن سوڭ وقۋشىلار ەستەرىنەن تانىپ, اۋرۋحاناعا جانە جانساقتاۋ بولىمىنە تۇسكەن. بۇل تۋرالى egemen.kz ءتىلشىسى حابارلادى.
ءبىر كۇندە جاڭاوزەن اۋرۋحاناسىنا تۇسكەن 30 بالانىڭ 8-ءى جانساقتاۋ بولىمىنە جاتقىزىلسا, ەكەۋى «جەدەل جاردەم» كولىگىمەن اقتاۋ قالاسىنا جىبەرىلگەن. ءۇندىستاننان شىعارىلعان قىزىلشاعا قارسى ۆاكتسينانى قابىلداعان سوڭ بالالاردىڭ باسى اينالىپ, جۇرەگى اينىپ, اياق-قولدارى قالتىراي ۇيىپ,تالماۋسىراي باستاعان. دارىگەرلەر تاراپىنان بالالارعا «ەكپەدەن كەيىنگى رەاكتسيا» دەگەن دياگنوز قويىلعان. مۇنداي ەكپە ماڭعىستاۋ وبلىسى بويىنشا 35 مىڭنان استام بالاعا, ونىڭ ىشىندە 6 مىڭ جاسوسپىرىمگە سالىنۋ كەرەك ەكەن. قازىر جاڭاوزەندە ۆاكتسينا ەگۋ ۋاقىتشا توقتاتىلدى.
گۇلايىم شىنتەمىرقىزى.
دەرەك: egemen.kz.
Cۋرەت: ktk.kz.