اتىراۋ قالاسىنىڭ تۇرعىنى الكوگولدىك ىشىمدىك ىشۋگە سالىنعان تىيىمدى بۇزىپ, قوعامدىق ورىندا ماس كۇيدە جۇرگەن. ونىڭ بۇل ارەكەتىن بىرنەشە رەت قايتالاعانى انىقتالدى, دەپ حابارلايدى Egemen.kz.
اتىراۋ قالالىق اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىندا قۇقىق بۇزۋشىعا قاتىستى اكىمشىلىك قۇقىق بۇزۋشىلىق تۋرالى كودەكسىنىڭ 440-بابىنىڭ 3-بولىگىمەن (الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ), 669-بابىنىڭ 3-بولىگىمەن (سوت ۇكiمiن, سوت شەشiمiن نەمەسە وزگە دە سوت اكتiسiن جانە اتقارۋشىلىق قۇجاتتى ورىنداماۋ) قوزعالعان اكىمشىلىك ءىس قارالدى.
«ازامات ن. 2025 جىلعى 29 قىركۇيەكتە ساعات 20:00 شاماسىندا قوعامدىق ورىندا الكوگولدىك ىشىمدىك ىشكەن ماساڭ كۇيدە جۇرگەن. ول اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنىڭ 6 اي مەرزىمگە مىنەز-قۇلقىنا ەرەكشە تالاپتار بەلگىلەۋ, الكوگولدىك ىشىمدىك ىشۋگە تىيىم سالۋ جونىندەگى قاۋلىسىن بۇزعان. وسىلايشا اكىمشىلىك قۇقىق بۇزۋشىلىقتاردى ءبىر جىل ىشىندە بىرنەشە رەت قايتالاعان. ن.-نىڭ كىناسى اكىمشىلىك قۇقىق بۇزۋشىلىق تۋرالى, ساۋالناما حاتتامالارمەن, سوت قاۋلىلارىمەن جانە ءىس ماتەريالدارىمەن راستالدى», دەپ حابارلادى اتالعان سوتتان.
سوت قاۋلىسىمەن ن. اكىمشىلىك قۇقىق بۇزۋشىلىقتار جاساعانى ءۇشىن كىنالى دەپ تانىلدى. وعان اكىمشىلىك جازا رەتىندە 25 تاۋلىك اكىمشىلىك قاماققا الۋ تۇرىندەگى جازا قولدانىلدى.
سوت قاۋلىسى زاڭدى كۇشىنە ەنگەن جوق.