قازاقستاندا الداعى ءۇش جىلدا زەينەتاقى مولشەرى وسەدى

ەڭبەك جانە حالىقتى الەۋمەتتىك قورعاۋ مينيسترلىگىنە 2026 جىلعا رەسپۋبليكالىق بيۋدجەتتەن 6,8 تريلليون تەڭگە بولىنبەك. ونىڭ 6,7 تريلليونى زەينەتاقى مەن جاردەماقى تولەمدەرىنە باعىتتالادى.

قۇجاتقا سايكەس, ەلىمىزدەگى ورتاشا زەينەتاقى:

2026 جىلى – 103 687 تەڭگە; 2027 جىلى – 108 940 تەڭگە; 2028 جىلى – 113 995 تەڭگە بولادى.

ەستەرىڭىزگە سالا كەتەيىك, مينيسترلىكتىڭ دەرەگىنشە, 2025 جىلعى 1 تامىزداعى جاعداي بويىنشا ورتاشا جيىنتىق زەينەتاقى 143 097 تەڭگەنى قۇرادى. ونىڭ ىشىندە 95 491 تەڭگە – ىنتىماقتىق, 47 606 تەڭگە – بازالىق. ال 1 قىركۇيەكتەگى مالىمەتتەرگە سايكەس, ەلىمىزدە 2 ميلليون 503 مىڭ زەينەتكەر بار.

2026 جىلى ورتاشا بازالىق زەينەتاقى مولشەرى 54 082 تەڭگەگە جەتەدى. 2027 جىلى ول 58 276 تەڭگەگە دەيىن وسسە, ال 2028 جىلى 61 527 تەڭگە بولادى دەپ جوسپارلانعان.

2026–2028 جىلدار ارالىعىندا ەڭ تومەنگى بازالىق زەينەتاقى كۇنكورىس مينيمۋمىنىڭ 70 پايىزىنا تەڭ بولماق. ال ەڭ جوعارعىسى 2026 جىلى – 118 پايىزدى, 2027 جانە 2028 جىلدارى – 120 پايىزدى قۇرايدى. قازىرگى تاڭدا ەڭ تومەنگى بازالىق زەينەتاقى 32 360 تەڭگە بولسا, ەڭ جوعارىسى – 50 851 تەڭگە.