قر قارجىلىق مونيتورينگ اگەنتتىگى وسال توپتاردىڭ تۇرعىن ءۇي كەزەگىن قىسقارتۋعا باعىتتالعان «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسىن ىسكە اسىرۋعا بولىنگەن بيۋدجەت قارجىسىن جىمقىرۋ فاكتىسى بويىنشا تەرگەۋدى اياقتادى, دەپ جازادى Egemen.kz.
2020 جىلى «قۇرىلىس ءبولىمى» مەملەكەتتىك مەكەمەسى مەن «نيكس ينجينيرينگ گرۋپپ يۆ» جشس 500 ملن تەڭگەدەن استام سوماعا كەلىسىمشارت جاساعانمەن, مەردىگەر قۇرىلىس ءبولىمى باسشىسىنىڭ كومەگىمەن ءىس جۇزىندە ورىندالماعان اكت وتكىزىپ وتىرعان. اكتتە جۇمىس كولەمى ۇلعايتىلىپ, قۇنى جوعارىلاتىپ كورسەتىلگەن.
3 جىل بويى جاسالعان زاڭسىز ارەكەتتەردەن بيۋدجەتكە 152 ملن تەڭگە كولەمىندە زيان كەلتىرىلگەن.
«سوت سانكتسياسىمەن كۇدىكتىلەردىڭ 100 ملن تەڭگەدەن استام قۇنى بار مۇلكىنە قول قويىلدى. مەردىگەرگە قاماۋدا ۇستاۋ تۇرىندەگى بۇلتارتپاۋ شاراسى تاڭدالدى. قىلمىستىق ءىس سوتقا جىبەرىلدى», دەلىنگەن قما حابارلاماسىندا.
سونداي-اق اگەنتتىك وزگە مالىمەتتەر قازاقستان رەسپۋبليكاسىنىڭ قىلمىستىق پروتسەسسۋالدىق كودەكسىنىڭ 201-بابىنا سايكەس جاريالانبايتىنىن مالىمدەپ وتىر.