سانالى شاكىرت تاربيەلەگەن

ءار وقۋشىعا ساپالى ءبىلىم بەرۋ ءۇشىن ءپان مۇعالىمدەرىنە زور جاۋاپكەرشىلىك جۇكتەلەدى. دەگەنمەن وقۋشىلاردىڭ مىنەز-قۇلقىن قالىپتاستىرۋدا پەداگوگ-پسيحولوگتىڭ اتقارار مىندەتى از ەمەس. ەڭبەك جولىن 1992 جىلى مۇنايلى شاھاردا ورنالاسقان ع.مۇسىرەپوۆ اتىنداعى №5 ورتا مەكتەپتە پەداگوگ-پسيحولوگ بولىپ باستاعان ءلاززات جايشىلىققىزى دا ءبىلىم سالاسىنا لايىقتى ۇلەسىن قوسىپ كەلەدى.

ونى ارىپتەستەرى تاجىريبەلى ۇستاز رەتىندە قۇرمەتتەيدى. ويت­كەنى ونىڭ تاجىريبەسى ساتىلاپ تولىستى. مەكتەپتە جەلى تارتقان ەڭبەك جولى بىرنەشە جىلدان سوڭ وبلىستىق بالالاردى وڭالتۋ ورتالىعى ديرەكتورىنىڭ ورىنباسارى لاۋازىمىندا جالعاستى. بىلىكتى مامان قالالىق ءبىلىم بو­لى­مىنە شاقىرىلىپ, ادىسكەرلىك قىز­مەتتى اتقاردى. كەيىنگى ءتورت جىل­دان بەرى «اتىراۋ وبلىستىق ارنايى مەكتەپ-ينتەرناتى» كمم ديرەكتورى قىزمەتىنە تاعايىن­دالدى.

بۇل – ادەتتەگى ءبىلىم وردالا­رىنا ۇقسامايتىن ۇجىم.  مۇنداي مەكەمەنى باسقارۋعا كەز كەلگەن پە­داگوگتىڭ جۇرەگى داۋالاماي­دى. ۇستازدارىنان ەرەكشە كۇ­تىم مەن كوزقاراستى, ەڭ باستىسى, مەيىرىمدى كۇتەتىن بالالار وقي­تىن مەكتەپ-ينتەرناتقا جەتەك­شىلىك ەتۋ ءۇشىن تاجىريبە دە, پسيحولوگ تە, ءتىپتى دەفەكتولوگ-وليگوفرەنوپەداگوگ تە بولۋى قاجەت. وسى تۇرعى­دان ايت­قاندا, جەرگىلىكتى ءبى­لىم­ سالاسىنىڭ باسشىلارى دي­رەك­تور­لىققا ءلاززات تولەپوۆانى تاڭدادى.

تاجىريبەلى پەداگوگتىڭ جەتەك­شى­لىگىمەن 2022–2025 جىلدارى اتالعان مەكتەپ-ينتەرناتتىڭ ماتە­ريالدىق-تەحنيكالىق بازاسى جاڭار­تىلدى. اتاپ ايتقاندا, فيزيكا, حيميا, بيولوگيا, تاريح, گەوگرافيا, دەنە تاربيەسى, بەي­نەلەۋ ونەرى, مۋزىكا جانە تەحنو­لوگيا ءپانىنىڭ كابينەتتەرى تو­لىق­ جابدىقتالدى. ال لوگوپەد كابي­نەتى مەن سەنسورلىق بول­مە جاڭا وقۋ قۇرالدارىمەن قامتا­ما­سىز ەتىلدى. مەكتەپ-ينتەرنات­تىڭ جا­تاق­حاناسىنا جاڭا جيھاز الىندى.

ال ءبىلىمدى شاكىرتتەرى رەسپۋب­ليكالىق جانە حالىقارالىق سايىس­تاردا ايتارلىقتاي جەتىس­تىككە جەتىپ ءجۇر. ماسەلەن, «اlmaly KZ» حالىقارالىق فەستيۆالىنە قاتىسقان ايناز قۇرالوۆا باس جۇلدەگە يە بولدى. بيىل ءدال وسى وقۋشى گەرمانيادا وتكەن پارادزيۋدو وليمپياداسىندا كۇمىس جۇلدەنى ەنشىلەدى.  

ەرەكشە بالالاردىڭ ساپا­لى ءبىلىم الۋىنا بارىنشا جاع­داي جاساپ, ۇجىمدى ورتاق ىسكە ۇيىستىرىپ وتىرعان ءلاززات تولە­پوۆانىڭ كاسىبي جەتىستىگى كوپ. وبلىستىق ءبىلىم باسقارماسى جانىنداعى ادىستەمەلىك كابينەتى ۇيىمداستىرعان «ۇزدىك ادىسكەر – 2021» بايقاۋىنىڭ باس جۇلدەسىن يەلەندى.  ءبىلىم سالاسىنا قوسقان كوپجىلعى ەڭبەگى ءۇشىن ءبىلىم جانە عىلىم مينيسترلىگىنىڭ العىسحاتىمەن, ء«بىلىم بەرۋ ءىسى­نىڭ قۇرمەتتى قىزمەتكەرى» توس­بەل­گىسىمەن ماراپاتتالعان. ول ءبىلىمىن ۇدايى جەتىلدىرەدى. رەسەي فەدەراتسياسىنداعى وڭتۇستىك فەدەرالدى ۋنيۆەرسيتەتىنەن (دونداعى روستوۆ) ماگيستراتۋرا ءبىتىردى. پسيحولوگ رەتىندە كوڭىلگە تۇيگەنى مەن تاجىريبەسى جونىندەگى عىلى­مي ماقالالارى رەسپۋبليكالىق با­سىلىمدار مەن جيناقتاردا جاريالانعان.

«ۇستازدىق – جۇرەگىمنىڭ تاڭ­داۋى, بالاعا دەگەن ماحاببا­تىم­نىڭ ماڭگىلىك شامشىراعى. شاكىرت­تەرىمنىڭ ءبىلىمدى, سانالى بولعانىن قالايمىن», دەيدى ل.تولەپوۆا.

جاقىندا پرەزيدەنتتىڭ جار­لى­عىمەن «قۇرمەت» وردەنى­مەن ماراپاتتالدى. ونى ۇستازعا مەم­لەكەت باسشىسى تاپسىردى. بالا جانىنىڭ باعبانىنا اينال­عان تاجىريبەلى پەداگوگ مۇنى ۇجىم­نىڭ ورتاق جەتىستىگى سانايدى.

اتىراۋ وبلىسى