شىمكەنتتە قالانىڭ جول قاۋىپسىزدىگى مەن ينفراقۇرىلىمىن جاقسارتۋ ءۇشىن تاعى ءبىر اۋقىمدى جوبا قولعا الىندى. قالا اۋماعىندا العاشقى ءۇش اۆتوماتتاندىرىلعان ولشەۋ ستانتسياسى ورناتىلىپ, تولىققاندى جۇمىسىن باستاماق, دەپ جازادى Egemen.kz.
اۆتوماتتاندىرىلعان ولشەۋ ستانتسيالارى ء(اوس) – فوتو جانە بەينەتۇسىرىلىمدى جۇزەگە اسىرادى. كولىك قۇرالدارىنىڭ ءتۇرىن, ماركاسىن, مەملەكەتتىك تىركەۋ بەلگىسىن, سالماقتىق جانە گاباريتتىك پارامەترلەرىن, سونداي-اق وستىك جۇكتەمەلەرىن تىركەيدى. بەلگىلەنگەن نورمادان اسقان جاعدايدا اۋىر جۇك كولىگىنىڭ يەسىنە اۆتوماتتى تۇردە ايىپپۇل سالىنادى.
«جول اكتيۆتەرى ساپاسىنىڭ ۇلتتىق ورتالىعى» شجق رمك شىمكەنت قالالىق فيليالىنىڭ سىناق زەرتحاناسىنىڭ مەڭگەرۋشىسى ەرمەك نامازوۆتىڭ ايتۋىنشا, اۋىر جۇك كولىكتەرى ءۇشىن ءبىر وسكە تۇسەتىن سالماق 13 توننادان اسپاۋى ءتيىس. الايدا, وڭىردەگى جولداردا 25-40 تونناعا دەيىن جۇك ارتقان كولىكتەر ەمىن-ەركىن جۇيتكىپ كەلگەن.
«ارتىق سالماق تيەلگەن جۇك كولىكتەرى قالامىزدىڭ جولدارىنا اۋقىمدى زاقىم كەلتىرۋدە. ءبىر وسكە تۇسەتىن سالماق شەكتەن اسسا, جول جابىن قاباتتارى ب ۇلىنەدى – جىلجىپ كەتەدى, كولەيالار (ىزدەر) پايدا بولادى, اسفالتتا جارىقتار تۇسە باستايدى. قازىردىڭ وزىندە ماگيسترالدىق كوشەلەردە ءدال وسى اقاۋلار ءجيى كەزدەسۋدە. مىسال رەتىندە ا-2 اينالما جولىن ايتساق بولادى. بۇل اۆتوماتتاندىرىلعان ولشەۋىش تارازىلار – وسى ماسەلەنىڭ شەشىمى بولىپ تابىلادى», – دەيدى ەرمەك نامازوۆ.
ايتا كەتەيىك , 2025 جىلعى 15 قازاننان باستاپ ستانتسيالار تولىققاندى جۇمىس ىستەپ, زاڭبۇزۋشىلىقتار ءۇشىن ايىپپۇل سالىناتىن بولادى.