اقش پرەزيدەنتى دونالد ترامپ 2026 جىلدىڭ 14 ماۋسىمىندا اق ۇيدە تۇڭعىش رەت تاريحي UFC ءتۋرنيرى وتەتىنىن جاريا ەتتى. بۇل كۇن ترامپتىڭ 80 جىلدىق مەرەيتويىمەن تۇسپا-تۇس كەلىپ وتىر, دەپ حابارلايدى Egemen.kz Daily Mail باسىلىمىنا سىلتەمە جاساپ.
پرەزيدەنت بۇل تۋرالى ۆيردجينيا شتاتىنداعى نورفولك اسكەري-تەڭىز بازاسىندا, اقش اسكەري-تەڭىز كۇشتەرىنىڭ 250 جىلدىق مەرەكەسىنە ارنالعان سالتاناتتى جيىندا ايتتى.
ترامپ UFC پرەزيدەنتى دانا ۋايتتى جاقىن دوسى دەپ سانايدى ءارى ارالاس جەكپە-جەك جانكۇيەرلەرىن ءوز ەلەكتوراتىنىڭ ءبىر بولىگى رەتىندە كورەدى.ۋايت Sports Business Journal-عا بەرگەن سۇحباتىندا: تۋرنير اياقتالعاننان كەيىن وڭتۇستىك الاڭداعى كوگالدى تولىقتاي اۋىستىرۋ ءۇشىن 700 مىڭ دوللار بولىنەتىنىن مالىمدەدى. ونىڭ ايتۋىنشا, جەكپە-جەككە قاتىساتىن سپورتشىلار الدىمەن دوعال كابينەتتەن شىعىپ, سودان كەيىن ورناتىلاتىن «وكتاگونعا» بەت الادى. تۋرنيرگە 5 مىڭعا جۋىق كورەرمەن قاتىسادى دەپ كۇتىلەدى.كەشتىڭ باستى جۇلدىزدارىنىڭ ءبىرى يرلانديالىق كونور ماكگرەگور بولماق. ول UFC-دەگى سوڭعى كەزدەسۋىن 2021 جىلدىڭ شىلدەسىندە وتكىزىپ, باستى قارسىلاسى داستين پورەگە ەسە جىبەرگەن ەدى.جاقىندا ماكگرەگور ءوزىنىڭ وكتاگونعا قايتا ورالاتىنىن راستاپ, اق ۇيدەگى تۋرنيرگە دايىندالىپ جاتقانىن جەتكىزدى. سونداي-اق ول ۋايتپەن كەلىسسوزدەر جۇرگىزىپ, قايتۋ جەكپە-جەگى مايكل چەندلەرگە قارسى ءوتۋى مۇمكىن ەكەنىن حابارلادى.