پاۆلودار وبلىسىنىڭ ءبىلىم بەرۋ باسقارماسى وبلىستىڭ ەڭ قارت ارداگەر ۇستازىن قۇتتىقتادى, دەپ جازادى Egemen.kz.
سارسەنبەكوۆا قايىركەش سارسەنبەكقىزى – ءومىرىن ۇرپاق تاربيەسىنە ارناعان ارداگەر ۇستاز. ول 1927 جىلدىڭ 25 قىركۇيەگىندە پاۆلودار وبلىسى, لەبياجى اۋدانى, قىزىل-قوعان اۋىلىندا دۇنيەگە كەلگەن. قازىرگى تاڭدا اققۋلى اۋىلىندا تۇرادى.
سوعىس جىلدارىنىڭ بالالىق شاعى وڭاي بولمادى. بارلىق زامانداستارى سياقتى ءجاسوسپىرىم كەزىندە كولحوزدىڭ ەگىس القابىندا ەڭبەك ەتىپ, اۋىل شارۋاشىلىعىنا قولعابىس تيگىزدى. كەيىن فەرمادا ەسەپشى بولىپ جۇمىس ىستەپ, ءسۇت قابىلداپ, ونى كورشى اۋىلداعى دايىندىق پۋنكتىنە جەتكىزۋمەن اينالىستى.
مەكتەپتى اياقتاعان سوڭ پاۆلودار پەداگوگيكالىق ۋچيليششەسىنە ءتۇسىپ, ءبىلىم الىپ شىقتى. سودان باستاپ بار عۇمىرىن باستاۋىش سىنىپ مۇعالىمى قىزمەتىنە ارنادى.
ۇستازدىق ەڭبەگى لايىقتى باعالانىپ, قازاق كسر-ءىنىڭ قۇرمەتتى اتاعىنا يە بولدى. «حالىق اعارتۋ ءىسىنىڭ وزىق قىزمەتكەرى» توسبەلگىسىمەن, «قۇرمەت بەلگىسى» وردەنىمەن ماراپاتتالدى. سونىمەن قاتار, ول «قازاقستاننىڭ ۇزدىك ادامدارى» ەنتسيكلوپەدياسىنا ەنگەن.
كايركەش سارسەنبەكقىزى – تىل ارداگەرى. جەڭىستىڭ 50, 60, 65, 70, 75 جانە 80 جىلدىق مەرەيتويلىق مەدالدارىمەن, سونداي-اق «التىن القا» توسبەلگىسىمەن ماراپاتتالعان.
1947 جىلى ۇلى وتان سوعىسىنىڭ ارداگەرى, ۇستاز ەلۋباەۆ نىمەت ەلۋباي ۇلىمەن شاڭىراق كوتەرىپ, بىرگە سەگىز بالا تاربيەلەپ ءوسىردى.