ەلدەگى 6-9 جاس ارالىعىنداعى ءار بەسىنشى بالا سەمىزدىككە شالدىققان. بۇل تۋرالى ورتالىق كوممۋنيكاتسيالار قىزمەتىندە ءوتىپ جاتقان دوڭگەلەك ۇستەلدە قازاق تاعامتانۋ اكادەمياسىنىڭ ۆيتسە-پرەزيدەنتى اقكۇمىس سالحانوۆا مالىمدەدى, دەپ حابارلايدى Egemen.kz.
سوزىنشە, دۇنيەجۇزىلىك دەنساۋلىق ساقتاۋ ۇيىمى ارتىق سالماعى بار بالا سانى جىل سايىن ءوسىپ كەلە جاتقانىنا دابىل قاققان. ەلىمىزدەگى جاعداي دا كوڭىل كونشىتپەيدى.
«قازىر ەلىمىزدە 6-9 جاس ارالىعىنداعى ءار بەسىنشى بالادا ارتىق سالماق بار نەمەسە سەمىزدىككە شالدىققان. وسى ءۇردىستى توقتاتپاساق, 2035 جىلعا قاراي ارتىق سالماعى بار بالالار مەن جاسوسپىرىمدەر سانى 1,9 ميلليوننان اسۋى مۇمكىن», دەيدى سالحانوۆا.
سالدارىنان كەلەشەكتە جاستار قانت ديابەتى, جۇرەك-قان تامىرلارى جانە باسقا دا سوزىلمالى اۋرۋلارعا شالدىعۋى مۇمكىن.
سونداي-اق بۇل ەكونوميكاعا دا اسەر ەتەدى. دۇنيەجۇزىلىك سەمىزدىككە قارسى فەدەراتسياسىنىڭ بولجامىنا سايكەس, ارتىق سالماق قازاقستاننىڭ جالپى ىشكى ءونىمىن جىل سايىن 2-2,5%-عا دەيىن تومەندەتۋى مۇمكىن