قىرعىزستان پرەزيدەنتى سادىر جاپاروۆ جوگوركۋ كەنەش دەپۋتاتتارىنىڭ كەزەكتەن تىس سايلاۋى وتەتىن كۇندى بەلگىلەۋ تۋرالى جارلىققا قول قويدى, دەپ جازادى Egemen.kz.
قۇجاتقا سايكەس, سايلاۋ 2025 جىلدىڭ 30 قاراشاسىندا وتەدى.
پرەزيدەنت ورتالىق سايلاۋ جانە رەفەرەندۋم وتكىزۋ كوميسسياسىنا كەزەكتەن تىس سايلاۋدى ۇيىمداستىرۋدى جانە قاشىقتان داۋىس بەرۋدى قولدانۋدى تاپسىردى. ال ۇكىمەت قاجەت قارجىمەن قامتاماسىز ەتۋگە مىندەتتەلدى.
ايتا كەتەيىك, 25 قىركۇيەكتە قىرعىزستان پارلامەنتى – جوعوركۋ كەنەش تاراتىلدى. زاڭ شىعارۋشى ورگاننىڭ VII شاقىرىلىمىنداعى دەپۋتاتتار وسىنداي شەشىم قابىلدادى.پارلامەنتتىڭ تاراتىلۋىنىڭ سەبەبىن ەل دەپۋتاتى ۇلان پريموۆ بيۋدجەتتى ۇنەمدەۋمەن تۇسىندىرەدى.
«جەرگىلىكتى زاڭناما بويىنشا, پارلامەنت سايلاۋى 2026 جىلعى قاراشادا, ال پرەزيدەنت سايلاۋى سودان ءبىر جارىم ايدان كەيىن ءوتۋى كەرەك. مۇنداي جاعدايدا كوپ شىعىن كەتىپ, ورتالىق سايلاۋ كوميسسياسىنىڭ جۇمىسىن قيىنداتادى», دەيدى ول.