1 قىركۇيەكتەگى مالىمەت بويىنشا قازاقستان اۋماعىندا جەرگىلىكتى اتقارۋشى ورگانداردىڭ رۇقساتىمەن 15 054 شەتەل ازاماتى ەڭبەك ەتىپ ءجۇر, دەپ جازادى Egemen.kz.
ەلىمىزدە باسشىلار مەن ولاردىڭ ورىنباسارلارى ءۇشىن 561 رۇقسات ء(بىرىنشى سانات), قۇرىلىمدىق بولىمشەلەردىڭ باسشىلارى ءۇشىن شەتەل جۇمىس كۇشىن تارتۋعا 2 348 رۇقسات بەرىلگەن (ەكىنشى سانات). تارتىلعان شەتەل جۇمىس كۇشىنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا تيەسىلى. سونداي-اق ماۋسىمدىق جۇمىستارعا 3 099 ادام, ال كورپوراتيۆتىك اۋىستىرۋ اياسىندا 4 015 ادام تارتىلعان.
قازىر ەلىمىزدە 1 909 جۇمىس بەرۋشى شەتەل جۇمىس كۇشىن (شجك) پايدالانادى. ولاردا 341 مىڭنان استام قازاقستان ازاماتى جۇمىس ىستەيدى, بۇل قىزمەتكەرلەردىڭ جالپى سانىنىڭ 96 پايىزىن قۇرايدى.
ەكونوميكالىق قىزمەت تۇرلەرى بويىنشا ەڭ كوپ قۇرىلىس سالاسىندا – 4 929 ادام, اۋىل, ورمان جانە بالىق شارۋاشىلىعى – 3 140 ادام, تاۋ-كەن ونەركاسىبى جانە كارەرلەردى قازۋ – 1 240 ادام, وڭدەۋ ونەركاسىبى – 1 122 ادام جۇمىس ىستەيدى.
ەڭبەك ميگرانتتارى كەلەتىن نەگىزگى ەلدەر اراسىندا قىتاي (5 545 ادام), وزبەكستان (2 696 ادام), تۇركيا (1 076 ادام), ءۇندىستان (1 052 ادام) بار.