بۇگىن قازالى اۋدانى تۇرعىندارى 4 جىل مەرزىم قىزمەت اتقاراتىن جاڭا اۋدان اكىمىن سايلايدى, دەپ جازادى Egemen.kz.
ساياسي ناۋقان قر سايلاۋ تۋرالى كونستيتۋتسيالىق زاڭىنىڭ 113-1 بابى, 1 تارماعى 2) تارماقشاسى نەگىزىندە بۇرىنعى اكىمنىڭ وكىلەتتىلىگى مەرزىمىنەن بۇرىن توقتاۋىنا بايلانىستى وتكىزىلىپ جاتىر.
اۋدانداعى 40 سايلاۋ ۋچاسكەسىندە 266 كوميسسيا مۇشەسى بار. اۋدان بويىنشا 47219 ازامات سايلاۋشىلار تىزىمىنە تىركەلگەن. بارلىق ۋچاسكە تاڭعى ساعات 7.00-دە اشىلىپ, جۇمىسىن باستادى. داۋىس بەرۋ كەشكى 20.00-گە دەيىن جالعاسادى.
قالاداعى اگرارلى-تەحنيكالىق كوللەدجى عيماراتىندا ورنالاسقان №66 سايلاۋ ۋچاسكەسىنە العاشقىلار قاتارىندا كەلگەن اسسامبلەيا وكىلدەرى ءوز تاڭداۋىن جاسادى.