قايعىلى جاعداي كەمەر كۋرورتتىق قالاسىندا كاميۋۆا جاعاجايى ايماعىندا بولعان. 42 جاستاعى رەسەي ازاماتشاسى ليناريا مۋزيپوۆانى قايىق باسىپ قالىپ, قازا تاپقان, دەپ حابارلايدى Egemen.kz.
پاراسايلينگتىك كومپانياعا تيەسىلى قايىق (كاتەر ارتىنان پاراشيۋتپەن ۇشۋ) قالقىمالى بەلگىمەن قورعالاتىن اۋماقتان شىعىپ كەتىپ, تەڭىزدە ءجۇزىپ جۇرگەن ايەلمەن سوقتىعىسقان.
كۋاگەرلەر دەرەۋ جەدەل قىزمەتتەردى شاقىرعان. وقيعا ورنىنا جەتكەن دارىگەرلەر, جاندارمەريا جانە جاعالاۋ كۇزەتى ايەلدىڭ كوز جۇمعانىن انىقتاعان.
مارقۇمنىڭ دەنەسى انتالياداعى سوت-مەديتسينالىق ساراپتاما مەكەمەسىنە جەتكىزىلگەن. قايىق كاپيتانى مەن كومپانيانىڭ جاۋاپتى وكىلى تەرگەۋگە الىنعان. قازىرگى ۋاقىتتا چاميۋۆاداعى بارلىق سۋ اتتراكتسيوندارى ۋاقىتشا توقتاتىلىپ, جاعدايدىڭ ءمان-جايى تەكسەرىلىپ جاتىر.