الماتىدا ترامۆاي قوزعالىسى قايتا جاندانۋى مۇمكىن. قالا بيلىگى جاڭا جەلىنىڭ باعىتىن بەلگىلەپ, جوبانىڭ تەحنيكالىق-ەكونوميكالىق نەگىزدەمەسىن ازىرلەپ جاتىر, دەپ جاتىر Egemen.kz.
جوسپارعا سايكەس, ترامۆاي «بارلىق» بازارىنان باستالىپ, تولە بي كوشەسى بويىمەن ءوتىپ, اۋەجاي باعىتىنا دەيىن جالعاسادى. بۇل شەشىم مەگاپوليستەگى جولاۋشىلار اعىنىن جەڭىلدەتىپ, كولىك ينفراقۇرىلىمىن دامىتۋعا باعىتتالعان.
الماتى قالاسى اكىمىنىڭ ورىنباسارى ءسادۋوۆتىڭ ايتۋىنشا, جاڭا باعىتتىڭ باستى ارتىقشىلىعى – ۋاقىت ۇنەمدەۋ. «ماقساتىمىز – ادامداردىڭ پوليورتالىقتار اراسىندا 20 مينۋت ىشىندە قاتىناي الۋىنا مۇمكىندىك جاساۋ. بۇل – الەمدىك تاجىريبەگە ساي شەشىم», دەدى ول.
قازىر جوبانىڭ قارجىلاندىرۋ تەتىگى تالقىلانۋدا. ەگەر EPC+F فورماتى بويىنشا جۇزەگە اسىرىلسا, ترامۆاي جەلىسىن بەس جىل ىشىندە تولىق ىسكە قوسۋ مۇمكىندىگى بار.