الماتى وبلىسىندا «اق بيداي – 2025» VIII رەسپۋبليكالىق اۋىل سپورت ويىندارى مارەگە جەتتى. جارىسقا 17 كوماندا, 2000-نان استام سپورتشى قاتىستى. 20-دان استام وليمپيادالىق, وليمپيادالىق ەمەس, ۇلتتىق سپورت تۇرلەرىن قامتىعان ءىس-شارا قوناەۆ قالاسى مەن تالعار, ەڭبەكشىقازاق, قاراساي اۋداندارىندا ءوتتى.
«ۇلتتىق جانە ات سپورتى تۇرلەرى ورتالىعىنىڭ» ديرەكتورى قايرات پازىلبەك ويىنداردىڭ ءساتتى ۇيىمداستىرىلعانىن, سايىستار اۋىل سپورتشىلارىنىڭ جاقسى دايىندىق دەڭگەيىن كورسەتكەنىن, وڭىرلەردە بۇقارالىق سپورتتى دامىتۋدىڭ ماڭىزدىلىعىن ەرەكشە اتاپ ءوتتى. قاتىسۋشىلار الامان بايگە, توپ بايگە, اۋدارىسپاق, جامبى اتۋ, كوكپار, قۇسبەگىلىك, تەڭگە ءىلۋ, قازاق كۇرەسى, جەكپە-جەك, توعىزقۇمالاق, ارمرەستلينگ, ۇستەل تەننيسى سياقتى سپورت تۇرلەرىنەن جوعارى ناتيجە كورسەتتى.
«جارىستار – كۇش پەن شەبەرلىكتى سىنايتىن دودا عانا ەمەس, ۇلتتىق داستۇرلەردى ساقتاۋ مەن وڭىرارالىق دوستىقتى نىعايتۋدىڭ ماڭىزدى فاكتورى. مۇنداي اۋقىمدى ءىس-شارالار ءتۋريزمنىڭ دامۋىنا, حالىقتىڭ دەنساۋلىعىن نىعايتۋعا, سپورتتىق ينفراقۇرىلىمدى جاقسارتۋعا سەرپىن بەرەدى», دەدى ق.پازىلبەك.
جالپىكوماندالىق ەسەپتە تۇركىستان وبلىسىنىڭ كومانداسى ءبىرىنشى ورىندى, الماتى وبلىسى ەكىنشى ورىندى جەڭىپ الدى. جۇلدەلى ءۇشىنشى ورىندى باتىس قازاقستان وبلىسىنىڭ كومانداسى يەلەندى.
كەلەسى ويىندار ءتورت جىلدان كەيىن سولتۇستىك قازاقستان وبلىسىندا وتەدى.
الماتى وبلىسى