«قازپوشتا» اق قازاقستاننىڭ جەتى قالاسىندا – اقتوبە, اتىراۋ, ورال, قىزىلوردا, تالدىقورعان جانە تارازدا جاڭعىرتىلعان قالالىق پوشتا بايلانىسى ءبولىمشەلەرىنىڭ اشىلعانىن حابارلايدى. وتكەن جىلى قاراشا ايىندا اقتاۋ قالاسىندا جاڭا بولىمشە تانىستىرىلعان بولاتىن.
«بولىمشەلەردى جاڭعىرتا وتىرىپ, ءبىز تەك قىزمەتكەرلەرىمىزدىڭ جۇمىس ورنىن عانا جاقسارتقان جوقپىز, سونداي-اق مۇمكىندىگى شەكتەۋلى جانە بەسىك اربامەن جۇرەتىن جاس انالارىمىزدىڭ كىرۋىنە ىڭعايلى بولسىن دەپ پاندۋستار ورناتتىق. ءبىز قىزمەت كورسەتۋ كەزىندە ىڭعايلى جاعدايلار جاساۋعا تىرىستىق جانە جاڭا جۇمساق جيھازدار قويدىق, مىسالى, كرەسلولار, ديۆاندار جانە ت.ب. ەندى كليەنتكە كاسسا تەرەزەلەرىندە تۇرۋدىڭ قاجەتى جوق, ويتكەنى, بولىمشەلەردە ءبىر دەڭگەيلى, بوگەتسىز جانە ورنىندا وتىرىپ قىزمەت كورسەتىلەتىن بولادى. تاعى ءبىر ايتا كەتەتىن جاي, وپەراتسيالىق تەرەزەلەردىڭ كوبەيگەنى. بۇل, ۇلكەن حالىق اعىنى كەزىندە قىزمەت كورسەتۋ ءۇشىن ءوز سەپتىگىن تيگىزەدى. اتالعان وزگەرىستەر, ترانسفورماتسيا باعدارلاماسى قۇرامىندا جانە ونىڭ ءبىرىنشى قادامدارى بولىپ تابىلادى», دەپ تۇسىنىك بەردى ءباسپاسوز قىزمەتىنىڭ باسشىسى بايرام ازيزوۆ.
اتالعان بولىمشەلەردى جاڭعىرتۋعا, تەك كۇردەلى جوندەۋدى عانا ەمەس, سونىمەن قاتار تەحنولوگيالىق قۇرامداردىڭ جاڭارتىلۋى دا قوسىلدى. بارلىق جاڭعىرتىلعان پوشتا بايلانىس بولىمشەلەرى بىرىڭعاي ەلەكتروندى كەزەك جۇيەسىمەن, بەينە قاداعالاۋ ءجانە ءورت قاۋىپسىزدىگىمەن قامتاماسىزداندىرىلعان. ونىڭ ۇستىنە پوشتا بايلانىس بولىمدەرى تاۋلىك بويى جۇمىس ىستەيتىن بولادى («POST 24» وزىنە-ءوزى قىزمەت ەتۋ اۋماعى), قارجى قىزمەتى بويىنشا – بانكوماتتار جانە تولەم تەرمينالدارى, ال پوشتا قىزمەتتەرى بويىنشا – ابونومەنتتىك جاشىكتەر, ال بولاشاقتا پوستاماتتار بولادى. جاڭعىرتىلعان بولىمدەردە قابىلداۋ جانە اۋدارمالاردى ءجۇرگىزۋ ۆاليۋتالىق كاسسالارى بار.
«ەگەمەن-اقپارات».