ءماجىلىس دەپۋتاتى ەلنۇر بەيسەنباەۆ الەۋمەتتىك جەلىلەردە ونلاين-كۋرستاردىڭ اتىن جامىلىپ, زاڭسىز لوتەرەيا ۇيىمداستىراتىن بلوگەرلەرگە جازا قاتاڭداتىلۋى ءتيىس ەكەنىن ايتتى, دەپ جازادى Egemen.kz.
ونىڭ سوزىنشە, قازىرگى ايىپپۇلدار اسەر ەتپەي وتىر. كەيبىر ينفليۋەنسەرلەر ۋاقىتشا كومپانيا قۇرىپ, پايداسىز بەينە-كۋرستاردى ساتادى دا, لوتەرەيانى سوعان «قوسىمشا سىيلىق» رەتىندە كورسەتەدى. جۇلدە رەتىندە پاتەر, كولىك, كوتتەدج ۇسىنۋ ارقىلى حالىقتى قىزىقتىرادى.
ماسەلەن, 3 ملن جازىلۋشىسى بار دارحان جولشىبەكوۆ ءۇي ۇتىسىن وتكىزىپ, 1,5 ملرد تەڭگە جيناعان. «Supermamasita» اتىمەن تانىمال ءاليا بايتۋعاەۆا 500 ملن تەڭگە تاپقان. «Justking31» جانە «AminaXO» اككاۋنتتارى دا 1,5 ملرد تەڭگە كولەمىندە قاراجات يەلەنگەن. ال جانابىلوۆتەر وتباسىنا كولىك ۇتىسىنا بايلانىستى قىلمىستىق ءىس قوزعالۋى مۇمكىن.
دەپۋتات زاڭسىز ارەكەتتەردى اشكەرەلەۋ ءۇشىن بىرنەشە ۇسىنىس جاسادى. ونىڭ ىشىندە قىلمىستىق ءىس قوزعاۋ ءۇشىن تابىس شەگىن تومەندەتۋ, زاڭسىز ۇتىستاردان تۇسكەن سومانى اشىق جاريالاۋ جانە مەملەكەتتىك كىرىستەر كوميتەتىن بلوگەرلەردىڭ تابىسى جونىندەگى اقپاراتتى مادەنيەت جانە سپورت مينيسترلىگىمەن بولىسۋگە مىندەتتەۋ بار.
سونىمەن قاتار ونلاين-مەكتەپتەر ءۇشىن اشىقتىق تەتىگىن ەنگىزۋ ۇسىنىلدى. بۇل ولاردىڭ بەدەلىن, وقىتۋشىلاردىڭ بىلىكتىلىگىن جانە زاڭدىق تازالىعىن تەكسەرۋگە مۇمكىندىك بەرەدى.