وزبەكستاندا ۇيلەنۋ تويلارى, اس بەرۋ راسىمدەرى جانە باسقا دا وتباسىلىق شارالارعا 200-دەن ارتىق قوناق شاقىرۋعا تىيىم سالىندى. بۇل تالاپ 2025 جىلعى 16 قىركۇيەكتە مينيسترلەر كابينەتى بەكىتكەن «راتسيونالدى تۇتىنۋ» باعدارلاماسىندا كورسەتىلگەن, دەپ جازادى Egemen.kz.
باعدارلامانىڭ ماقساتى – ازىق-ت ۇلىك قاۋىپسىزدىگىن قامتاماسىز ەتۋ, ورىنسىز شىعىنداردى قىسقارتۋ, ۇنەم مادەنيەتىن قالىپتاستىرۋ.
بۇعان دەيىن دە 2019 جىلى قابىلدانعان قۇجاتتا تويعا 200 ادامنان ارتىق شاقىرۋعا بولمايتىنى, پالاۋ تاراتۋ 250-300 ادامعا دەيىن رۇقسات ەتىلەتىنى جازىلعان ەدى.
جاڭا تارتىپكە سايكەس, سالتانات كەزىندە ارتىق شوۋ-باعدارلامالار وتكىزۋگە, قوسىمشا توي-تومالاق ۇيىمداستىرۋعا بولمايدى. سونداي-اق جەرلەۋ جانە اس بەرۋ راسىمدەرىندە دە شىعىنداردى قىسقارتۋ قاراستىرىلعان.