ۇلتتىق بانك سىناق الاڭى اياسىندا تەڭگەگە تىركەلگەن العاشقى ستەيبلكويندى شىعاردى. جوبا Intebix بيرجاسى, Solana بلوكچەين-پلاتفورماسى, Mastercard جانە ەۋرازيالىق بانكتىڭ سەرىكتەستىگىمەن جۇزەگە اسىرىلدى, دەپ جازادى Egemen.kz.
«تەڭگەمەن وتاندىق ستەيبلكويندى ىسكە قوسۋ تسيفرلىق يننوۆاتسيالىق شەشىمدەردى ءداستۇرلى قارجى ينفراقۇرىلىمىمەن بىرىكتىرىپ, كريپتو-فيات كانالىن كەڭەيتۋدىڭ جاڭا مۇمكىندىكتەرىن اشادى. كريپتوۆاليۋتانى تەڭگەمەن قامتاماسىز ەتىلگەن ستەيبلكوينگە ايىرباستاۋعا جانە كريپتوكارتالاردى پايدالانا وتىرىپ ساۋدا وپەراتسيالارىن جۇرگىزۋگە مۇمكىندىك تۋادى», دەپ حابارلادى ۇلتتىق بانك.
ۇب توراعاسى تيمۋر سۇلەيمەنوۆ مەملەكەت باسشىسىنىڭ تاپسىرماسىنا سايكەس تسيفرلىق قارجى ونىمدەرىن دامىتۋ قولعا الىنعانىن اتاپ ءوتتى. قازىر سىناق الاڭىندا ءتورت باعىت بويىنشا سەگىز پيلوتتىق جوبا ىسكە اسىرىلىپ جاتىر, ولاردىڭ العاشقىسى – قازاقستاندىق ستەيبلكوين.
ماۋسىم ايىندا ۇلتتىق بانك كريپتوۆاليۋتانى تەڭگەگە بىردەن كونۆەرتاتسيالاپ تولەم جاساۋعا مۇمكىندىك بەرەتىن كريپتوكارتالاردى دا ىسكە قوسقان بولاتىن.
ستەيبلكوين – فيات ۆاليۋتامەن قامتاماسىز ەتىلگەن تسيفرلىق اكتيۆ. ال سىناق الاڭى – وسىنداي جاڭا جوبالاردى قاۋىپسىز سىناپ كورۋگە ارنالعان ارنايى رەجىم.