«World Clean Up Day» حالىقارالىق اكتسياسى – بۇل تابيعي جەرلەر مەن قوعامدىق اۋماقتاردى قوقىستاردان تازارتۋ ءۇشىن بىرىكتىرىلەتىن كۇش. قورشاعان ورتانى قورعاۋ ماقساتىندا قولعا الىنعان باستاماعا جامبىل وبلىسى بويىنشا ەكولوگيا دەپارتامەنتى دە اتسالىستى, دەپ حابارلايدى Egemen.kz.
باستاماعا قاتىسقان جامبىل وبلىسى بويىنشا ەكولوگيا دەپارتامەنتى تاراز قالاسىنداعى «مامىر» ساياباعىندا تازالىق جۇمىستارىن ۇيىمداستىردى. اتالعان اكتسياعا وبلىس اكىمدىگىنىڭ باسقارمالارى, اۋماقتىق ينسپەكتسيالار, كاسىپورىندار, ەكواكتيۆيستەر, قوعامدى قۇيىمدار, ستۋدەنتتەر, ەرىكتىلەر جانە جەرگىلىكتى تۇرعىندار قاتىسىپ, ءىس-شارادا بەلسەندىلىك تانىتىپ, قورشاعان ورتا تازالىعى ءۇشىن ءوز ۇلەستەرىن قوستى.
سونداي-اق دەپارتامەنتپەن «تازا قازاقستان» ەكولوگيالىق اكتسياسى اياسىندا, «قازاقستان عارىش ساپارى» ۇق اقنىڭ مونيتورينگ ءتۇسىرىلىمى بويىنشا وبلىس اۋماعىندا بارلىعى 198 (تاراز – 28, شۋ – 48, جامبىل – 39, جۋالى – 3, مويىنقۇم – 3, تالاس – 36, قورداي – 41) بەيبەرەكەت قوقىس ءۇيىندىسى انىقتالدى.
وسىعان وراي, دەپارتامەنت تاراپىنان قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكستىڭ 344-بابىنىڭ 3 تارماعىمەن 21 اۋىلدىق وكرۋگىنە اكىمشىلىك ءىس قوزعالىپ, ءار اۋىلدىق وكرۋگ اپپاراتىنا 196600 تەڭگە, جالپى سومماسى 3961490 تەڭگە ايىپپۇل سالىنىپ, بۇگىنگى كۇنى تولىعىمەن ءوندىرىلدى.
جامبىل وبلىسى.