2025 جىلدىڭ قاڭتار–تامىز ايلارى ارالىعىندا قازاقستان رەسپۋبليكاسىندا جۇك تاسىمالىنىڭ كولەمى 753 ملن توننانى قۇراپ, وتكەن جىلدىڭ سايكەس كەزەڭىمەن سالىستىرعاندا 9,8% ارتتى. بارلىق كولىك ءتۇرى ارقىلى جۇك پەن باگاج تاسىمالداۋدان تۇسكەن كىرىس 3,7 ملرد تەڭگەنى قۇرادى, دەپ حابارلايدى Egemen.kz.
ۇلتتىق ستاتيستيكا بيۋروسىنىڭ مالىمەتىنشە, وڭىرلىك تۇرعىدا 2025 جىلدىڭ قاڭتار–تامىز ايلارىندا جۇك اينالىمىنىڭ ءوسىمى استانا (15,2%) مەن الماتى قالالارىندا (1,5%), اتىراۋ (47,8%), سونداي-اق جەتىسۋ (41,1%) جانە اباي (30%) وبلىستارىندا بايقالدى.
كولىك تۇرلەرى بويىنشا ەڭ ۇلكەن جۇك تاسىمالى تەمىرجول كولىگىنە تيەسىلى - 300,3 ملن توننا, بۇل 2024 جىلدىڭ قاڭتار-تامىز ايلارىمەن سالىستىرعاندا 11,4% كوپ.
اۆتوموبيل كولىگىمەن تاسىمال كولەمى دە 1,8% ءوستى. قوماقتى ءوسىم قۇبىر ارقىلى تاسىمالداۋدا دا بايقالدى - 228,1 ملن توننا, بۇل وتكەن جىلدىڭ دەڭگەيىنەن 16,5% جوعارى.
اۋە كولىگى ارقىلى 19,1 مىڭ توننا جۇك تاسىمالداندى, بۇل 2024 جىلدىڭ سايكەس كەزەڭىمەن سالىستىرعاندا 7,5% ارتىق.
تەڭىز جانە جاعالاۋ كولىگى دە ءوسىم كورسەتتى - 30,6%, 2025 جىلدىڭ 8 ايىندا 2 485,5 مىڭ توننا جۇك تاسىمالداندى.