ەلىمىزدە تەحنيكالىق ماماندار تاپشى. وسى ماسەلەنى شەشۋ ماقساتىندا تەحنيكالىق جانە ينجەنەرلىك ماماندىقتارعا كوبىرەك گرانتتار قاراستىرىلعان. بۇل رەتتە جوعارى وقۋ ورىندارىنا قوسا كوللەدجدەرگە ايرىقشا باسىمدىق بەرىلىپ كەلەدى. 2025 جىلدىڭ جۇمىسشى ماماندىقتار جىلى دەپ جاريالانۋىنىڭ دا سەبەبى – سوندا, دەپ جازادى Egemen.kz.
وسىعان وراي ۇكىمەت تاپشى ماماندىقتارعا كوبىرەك مەملەكەتتىك ءبىلىم تاپسىرىسىنىڭ كولەمىن ارتتىرىپ جاتىر. وقۋ-اعارتۋ مينيسترلىگىنىڭ جاقىندا تاراتقان اقپاراتىنا سۇيەنسەك, 2025 جىلى سۇرانىسقا يە ماماندىقتار بويىنشا تەگىن تەحنيكالىق جانە كاسىپتىك ءبىلىم بەرۋمەن 9-سىنىپ بازاسىندا ءبىلىم الۋشىلاردىڭ 100%-ى قامتىلدى.
2025-2026 وقۋ جىلىندا كوللەدجدەردە مەملەكەتتىك تاپسىرىس 10 مىڭ ورىنعا ارتىپ, 384 مىڭ ورىندى قۇرادى. سونداي-اق ءبىر ستۋدەنتكە جان باسىنا شاققانداعى قارجىلاندىرۋ 437 مىڭ تەڭگەدەن 913 مىڭ تەڭگەگە دەيىن 2 ەسەگە ۇلعايادى.
جىل سايىن كاسىپورىنداردىڭ وتىنىمدەرى بويىنشا 10 مىڭ تالاپكەر قابىلدانادى. 2030 جىلعا دەيىن 90 مىڭ ستۋدەنتتى قامتۋ جوسپارلانىپ جاتىر.