قازاقستاندا قاۋىپسىزدىك ءپروفيلى جەتىلدىرىلگەن جاڭا بەلسەندى كومپونەنت – ەستەترول نەگىزىندەگى سوڭعى بۋىنداعى قۇرامداستىرىلعان كونتراتسەپتيۆتىك تابلەتكا تانىستىرىلدى, دەپ جازادى Egemen.kz.
«گەدەون ريحتەر قازاقستان» كومپانياسىنىڭ قولداۋىمەن ەلدىڭ ءۇش ءىرى قالاسىندا (استانا, الماتى, شىمكەنت) وتكەن دارىگەر-گينەكولوگتارمەن كەزدەسۋلەردە ايەلدەر دەنساۋلىعى سالاسىنىڭ ماماندارى كونتراتسەپتيۆتىك تابلەتكالارعا سەنىمسىزدىك تۋدىراتىن ميفتەردى جان-جاقتى تارقاتىپ, قازىرگى تاڭدا نارىقتا بار يننوۆاتسيالىق كونتراتسەپتيۆتىك پرەپاراتتار مەن ولاردىڭ ايەلدەر دەنساۋلىعى ءۇشىن قانشالىقتى قاۋىپسىز ەكەندىگى تۋرالى باياندادى. «گەدەون ريحتەر قازاقستان» كومپانياسى ءداستۇرلى تۇردە جۇرگىزەتىن Ayelder Dausy جىل سايىنعى ساۋالناماسىنىڭ دەرەكتەرىنە سۇيەنسەك, ايەلدەر ءالى كۇنگە دەيىن گورمونالدى كونتراتسەپتسياعا سەنىمسىزدىك تانىتادى. ەڭ كەڭ تاراعان كۇدىكتەر قاتارىندا – ارتىق سالماق قوسۋ, ليبيدونىڭ تومەندەۋى جانە رەپرودۋكتيۆتى دەنساۋلىققا ىقپال ەتۋ قاۋپى بار. بۇل دەرەكتەر تاعى دا ءبىر جايتتى دالەلدەيدى: قورقىنىشتار مەن ميفتەر كوپ جاعدايدا ايەلدەردىڭ دارىگەرگە جۇگىنىپ, سەنىمدى قورعانىس ءتاسىلىن تاڭداۋعا كەدەرگى كەلتىرەدى. جاڭا پرەپارات وسى الاڭداۋشىلىقتاردى ەسكەرگەن, ول اسقىنۋ قاۋپى تومەن جاعدايدا جوعارى تيىمدىلىكتى كورسەتەدى, زاماناۋي قاۋىپسىزدىك ستاندارتتارىنا جاۋاپ بەرەدى جانە قولدانىلۋى قاراپايىم.
– ءبىز جاڭا بۋىنداعى پرەپاراتپەن جۇمىس ىستەپ وتىرمىز. ەستەترول تابيعي ەستروگەن رەتىندە تاڭدامالى اسەرگە يە. ونى قولدانۋ ترومبوەمبوليا مەن جۇرەك-قانتامىر جۇيەسىنىڭ اسقىنۋلارى قاۋپىن تومەندەتەدى, سونداي-اق ءسۇت بەزى تىنىنە ىقپالى بارىنشا از. اسىرەسە, ونىڭ مەتابوليكالىق بەيتاراپتىعىن اتاپ ءوتۋ كەرەك, ول اعزادا سۇيىقتىقتىڭ جينالۋىنا اسەر ەتپەيدى, تابەتتى وزگەرتپەيدى جانە ارتىق سالماق قوسپايدى. سالماق قوسۋدان قورقاتىن ايەلدەر ءۇشىن بۇل وتە ماڭىزدى, – دەدى مەديتسينا عىلىمدارىنىڭ دوكتورى, پروفەسسور تالشىن ۋكىباسوۆا كەزدەسۋدە.
ەندومەتريوز ينستيتۋتىنىڭ ديرەكتورى, مەديتسينا عىلىمدارىنىڭ دوكتورى, پروفەسسور ايكەرىم دوششانوۆانىڭ ايتۋىنشا, جاڭا بۋىنداعى كونتراتسەپتيۆتەر وۆۋلياتسيانى قالپىنا كەلتىرىپ, ءبىر ايدىڭ ىشىندە بالا كوتەرۋ مۇمكىندىگىن قايتارادى.
– جاڭا پرەپاراتتىڭ قاجەتسىز جۇكتىلىكتىڭ الدىن الۋداعى تيىمدىلىگى 99,6%-دى قۇرايدى. ايەلدەردىڭ باسىم بولىگىندە ونى قابىلداۋدى توقتاتقاننان كەيىن وۆۋلياتسيا ءبىر ايدىڭ ىشىندە قالپىنا كەلەدى. قوسىمشا ارتىقشىلىقتارىنىڭ ءبىرى – 24/4 قابىلداۋ ءتارتىبى. ول قاراپايىم, ىڭعايلى جانە بەيىمدەلۋدى جەڭىلدەتەدى. مۇنىڭ ءبارى كونتراتسەپتسيانىڭ جاڭا كەزەڭى تۋرالى ايتۋعا مۇمكىندىك بەرەدى – اناعۇرلىم قاۋىپسىز, بولجامدى جانە ايەلدەردىڭ ناقتى قاجەتتىلىكتەرىنە باعىتتالعان, – دەپ ءتۇسىندىردى ول.
«گەدەون ريحتەر قازاقستان» كومپانياسىنىڭ باس ديرەكتورى پاۆەل حەگاي بۇگىنگى تاڭدا ايەلدەردىڭ مەديتسينانىڭ جاي عانا تيىمدىلىگىنەن دە كوپ نارسەنى كۇتەتىنىن اتاپ ءوتتى:
– قازىرگى فارماتسەۆتيكا نەگىزگى فۋنكتسيانى ورىنداپ قانا قويماي, اعزاعا قوسىمشا پايدا اكەلەتىن كەشەندى شەشىمدەرگە قاراي دامۋدا. ايەلدەر بارعان سايىن تەك بالا تۋدى جوسپارلاۋعا عانا ەمەس, جالپى رەپرودۋكتيۆتى دەنساۋلىقتى قولداۋعا كومەكتەسەتىن پرەپاراتتاردى تاڭدايدى. ءبىزدىڭ كومپانيا دا وسى باعىتتا جۇمىس ىستەيدى. ءبىز جاڭا بۋىنداعى يننوۆاتسيالىق ءونىمنىڭ قازاقستاندىق ايەلدەر ءۇشىن قولجەتىمدى بولعانىنا قۋانىشتىمىز. بۇل ءبىزدىڭ ساپاعا, قاۋىپسىزدىككە جانە پاتسيەنتكە ناقتى پايدا اكەلۋگە ادالدىعىمىزدىڭ ناتيجەسى, – دەدى ول.
Kazakhstan Women’s Health جوباسى اياسىندا «گەدەون ريحتەر قازاقستان» بىرنەشە جىلدان بەرى ەلدەگى ايەلدەردىڭ ناقتى قاجەتتىلىكتەرىن زەرتتەۋ بويىنشا بەلسەندى جۇمىس جۇرگىزىپ كەلەدى.
– نەگىزگى قۇرالداردىڭ ءبىرى – Ayelder Dausy ساۋالناماسى, ول كوپتەگەن قازاقستاندىق ايەلدەردىڭ ءالى كۇنگە دەيىن گورمونالدى كونتراتسەپتسياعا سەنىمسىزدىك پەن قورقىنىشپەن قارايتىنىن كورسەتىپ وتىر. ءبىز پاتسيەنتتەردىڭ قانداي قيىندىقتارعا تاپ بولاتىنىن جاقسى بىلەمىز. سول سەبەپتى ولاردىڭ ۇمىتىنە ساي زاماناۋي, قاۋىپسىزدىكتىڭ جاڭا دەڭگەيىن جانە ىڭعايلىلىقتى قامتاماسىز ەتەتىن شەشىمدەردى ۇسىنامىز, – دەدى «گەدەون ريحتەر قازاقستان» كومپانياسىنىڭ وكىلى دينارا بىرماعانبەتوۆا.
قازىرگى زامانعى ايەل ءوز تانىنە جانە دەنساۋلىعىنا بايلانىستى ماسەلەلەرگە سانالى تۇردە قاراۋعا ۇمتىلادى. قازاقستان نارىعىندا ۇسىنىلعان جاڭا كونتراتسەپتيۆ تيىمدىلىگىمەن جانە قاۋىپسىزدىكتىڭ جاڭارتىلعان دەڭگەيىمەن ەرەكشەلەنەدى. بۇل – كونتراتسەپتسيانى تاڭداۋدا ويلانىپ شەشىم قابىلدايتىن ايەلدەر ءۇشىن ەرەكشە وزەكتى.
دەنساۋلىققا قامقورلىق جاساۋ ءومىر سالتىنىڭ نورماسىنا اينالعان داۋىردە مۇنداي يننوۆاتسيالارعا قول جەتكىزۋ – ايەلدەردىڭ ءال-اۋقاتىنا جانە بولاشاققا دەگەن سەنىمىنە قوسىلعان ناقتى ۇلەس.