سولتۇستىك كورەيا كوشباسشىسى كيم چەن ىن ەگەر ۆاشينگتون يادرولىق قارۋسىزداندىرۋ تالابىنان باس تارتسا, امەريكا قۇراما شتاتتارىمەن كەلىسسوز جۇرگىزۋگە ءازىر ەكەنىن جەتكىزدى. بۇل تۋرالى ۆۆس كورەيانىڭ ورتالىق تەلەگراف اگەنتتىگىنە سىلتەمە جاساپ حابارلادى, دەپ جازادى Egemen.kz.
سونداي-اق كيم چەن ىن امەريكا باسشىسىمەن سوڭعى رەت 2019 جىلى كەزدەسكەنىن ەسكە الىپ, پرەزيدەنت دونالد ترامپ تۋرالى جىلى لەبىزىن ءبىلدىردى.
وڭتۇستىك كورەيامەن قارىم-قاتىناس ماسەلەسىنە توقتالعان ول پحەنياننىڭ سەۋلمەن كەلىسسوز جۇرگىزبەيتىنىن جانە وڭتۇستىكپەن بىرىگۋگە مۇددەلى ەمەس ەكەنىن جاريا ەتتى.
ايتا كەتەيىك, بۇعان دەيىن وڭتۇستىك كورەيا, اقش جانە جاپونيا Freedom Edge اتتى بىرلەسكەن اسكەري جاتتىعۋلاردى باستاعان بولاتىن. بەس كۇنگە جالعاساتىن بۇل وقۋ-جاتتىعۋلار 15-19 قىركۇيەك ارالىعىندا چەدجۋ ارالىنىڭ شىعىسى مەن وڭتۇستىگىندەگى حالىقارالىق سۋ ايدىندارىندا ءوتىپ جاتىر.