قىزىلوردادا «قاۋىپسىز جول» جەدەل-پروفيلاكتيكالىق ءىس-شاراسى اياسىندا 1465 قۇقىق بۇزۋشىلىق انىقتالدى. ونىڭ 254 دەرەگى قاۋىپسىزدىك بەلدىگىن تاقپاۋ, تاسىمالداۋ قاعيدالارىن بۇزۋعا قاتىستى بولسا, جاياۋ جۇرگىنشىگە جول بەرمەۋدىڭ 131 فاكتىسى تىركەلدى, دەپ جازادى Egemen.kz.
«شىمكەنت – سامارا» تاس جولىنىڭ بايمۇرات باتىر اۋىلى تۇسىنداعى اۋماعىندا رەيدتىك ءىس-شارا وتكىزگەن پوليتسەيلەر درون كومەگىمەن جول ەرەجەسىن ساقتاماعان جۇرگىزۋشىلەردى تارتىپكە شاقىردى. ءىس-شارا باستالعالى بەرى جولدىڭ قارسى جولاعىنا شىعۋدىڭ 1, اۆاريالىق جاعداي تۋعىزۋدىڭ 10, جۇرگىزۋشىنىڭ كولىك قۇرالىن ماس كۇيىندە باسقارۋدىڭ 9 دەرەگى بەلگىلى بولىپتى. سونداي-اق كولىك قۇرالىن باسقارۋ قۇقىعىنان ايىرىلعان 3 جۇرگىزۋشىنىڭ كولىك تىزگىنىنە قايتا وتىرعانى انىقتالعان.
سونىمەن قاتار, 138 اۆتوكولىك ايىپ تۇراعىنا قويىلىپ, 118 كولىكتىڭ قوزعالىسىن شەكتەۋ ءۇشىن مەملەكەتتىك تىركەۋ ءنومىر بەلگىلەرى الىندى.