ەندى تۇركىستان قالاسىنداعى بىرقاتار مەكتەپتە وقۋشىلار ساباق بارىسىندا ۇيالى تەلەفون قولدانبايدى. قالالىق ءبىلىم ءبولىمىنىڭ «سمارتفونسىز مەكتەپ» جوباسى اتا-انالاردان باستاپ, ۇستازدار مەن بالالاردان دا قولداۋ تاپتى, دەپ حابارلايدى Egemen.kz.
مەكتەپكە كەلگەن ءار سىنىپتاعى وقۋشىلارعا تەلەفون ساقتايتىن قوراپشا ازىرلەنگەن. ءبىلىم الۋشىلار تەلەفوندى ساباقتان تىس, ۇزىلىستەردە پايدالانا الادى. ياعني ساباق بىتكەننەن كەيىن جانە ساباقتان تىس ۋاقىتتا وقۋشى ءوزىنىڭ ۇيالى تەلەفونىن الىپ, اتا-اناسىنا حابارلاسا الادى.
وقۋشىلار ساباق بارىسىندا مۇعالىم بەرگەن ماتەريالدى تولىق مەڭگەرىپ, ءوزىنىڭ ءبىلىمىن شىڭداۋى قاجەت. ماماندار بۇل قادامنىڭ باستى ماقساتى – ءبىلىم ساپاسىن ارتتىرۋ, وقۋشىلاردىڭ ويلاۋ قابىلەتى مەن پسيحولوگيالىق دەنساۋلىعىنا وڭ اسەر ەتۋ ەكەنىن ايتادى.
وسىنداي ناقتى ەرەجەلەر مەن باقىلاۋ شارالارىن ەنگىزۋ سمارتفونداردىڭ ءبىلىم بەرۋ ورتاسىنا تيگىزەتىن زيانىن ازايتىپ, ساپالى ءبىلىم مەن تاربيەگە نازار اۋدارۋعا ىقپال ەتەدى.