ىشكى ىستەر مينيسترلىگىنىڭ مالىمەتىنشە, نەگىزگى وزگەرىس بۇرىن ەرەجەلەر ۇكىمەت قاۋلىسىمەن بەكىتىلگەن بولسا, ەندى ولار ءىىم بۇيرىعى ارقىلى بەكىتىلۋى بولىپ وتىر, دەپ جازادى Egemen.kz.
جاڭارتىلعان ەرەجەلەر تەك كولىك جۇرگىزۋشىلەرىنە قاتىستى. جاياۋ جۇرگىنشىلەر مەن جول ءجۇرىسىنىڭ باسقا قاتىسۋشىلارىنا جاڭا تالاپتار ەنگىزىلمەگەن. بۇل ەرەجەلەر اكىمشىلىك قۇقىق بۇزۋشىلىق كودەكسىنىڭ 796-بابى بويىنشا جۇرگىزىلەتىن اكىمشىلىك ءوندىرىستىڭ اياسىندا عانا قولدانىلادى.
«بۇل دەتسەنتراليزاتسيا جانە بيۋروكراتيادان ارىلۋ ساياساتىنىڭ اياسىندا جاسالدى. وسىلايشا مۇنداي قۇجاتتاردى قابىلداۋ ءتارتىبىن وڭايلاتۋعا مۇمكىندىك بەرەدى. سونىمەن قاتار جۇرگىزۋشى ارنايى قۇرالدارمەن, ماسەلەن الكوتەستەرمەن ماساڭدىق دارەجەسىن تەكسەرۋدەن باس تارتۋعا نەمەسە مەديتسينالىق ۇيىمىندا تەكسەرۋدى جالعاستىرۋعا قۇقىلى ەكەنىن ەسكە سالامىز. ءوز كەزەگىندە, ماساڭدىقتان تەكسەرۋدەن جالتارۋ نەمەسە باس تارتۋ قر اقبتك-ءنىڭ 613-بابىنىڭ 4-بولىگىندە كوزدەلگەن اكىمشىلىك ءىس جۇرگىزۋدى قوزعاۋ ءۇشىن نەگىز بولادى», دەلىنگەن مينيسترلىك حابارلاماسىندا.