قر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ جەتەكشىلىگىمەن ينۆەستيتسيالىق شتابتىڭ كەزەكتى وتىرىسى ءوتتى. باسقوسۋدا اگروونەركاسىپ كەشەنى, فارماتسەۆتيكا جانە ازىق-ت ۇلىك ونەركاسىبى سىندى نەگىزگى باعىتتارداعى ينۆەستيتسيالىق جوبالاردى جۇزەگە اسىرۋدىڭ وزەكتى ماسەلەلەرى قارالدى. سونىمەن قاتار, ينۆەستيتسيالار تۋرالى كەلىسىمدەردىڭ باستى شارتتارى ماقۇلداندى, دەپ حابارلايدى Egemen.kz.
ۇكىمەتتىڭ ءباسپاسوز قىزمەتىنىڭ حابارلاۋىنشا, بەكىتىلگەن باستامالار قاتارىندا Khan Tengri BioPharma, Asyl Sugar, Carlsberg Central Asia, Fabe-Agro كومپانيالارىنىڭ جوبالارى, سونداي-اق تۇركىستانداعى ماقتا ءوسىرۋ اگروونەركاسىپ كەشەنى بار.
Khan Tengri BioPharma كومپانياسى جالپى قۇنى 103 ملرد تەڭگەدەن اساتىن بيوفارماتسەۆتيكالىق زاۋىت سالادى. جوبا ەلدەگى ماڭىزدى دارىلىك پرەپاراتتاردى شىعارۋ قۋاتىن ارتتىرىپ, 180-نەن استام جاڭا جۇمىس ورنىن قۇرۋعا مۇمكىندىك بەرەدى.
اگروونەركاسىپ سالاسىندا كەلەسىدەي جوبالار ماقۇلداندى:
Asyl Sugar كومپانياسى جىلىنا 200 مىڭ تونناعا دەيىن قانت ءوندىرۋ قۋاتى بار زاماناۋي قانت زاۋىتىن سالۋدى جوسپارلاپ وتىر. جوبا قانت قىزىلشاسىن تەرەڭ وڭدەۋگە, يمپورتتى الماستىرۋعا جانە ەلىمىزدىڭ ستراتەگيالىق ازىق-ت ۇلىك ونىمدەرى بويىنشا ءوزىن-ءوزى قامتاماسىز ەتۋ دەڭگەيىن ارتتىرۋعا باعىتتالعان. جالپى ينۆەستيتسيا كولەمى – 72 ملرد تەڭگە.
Carlsberg Central Asia وندىرىستىك قۋاتىن جىلىنا 340 ملن ليترگە دەيىن ۇلعايتا وتىرىپ, سۋسىندار ءوندىرىسىن كەڭەيتۋ جوباسىن جۇزەگە اسىرادى. جوبا اياسىندا ەنەرگيا ۇنەمدەيتىن تەحنولوگيالار مەن جاڭا وندىرىستىك جەلىلەر ەنگىزىلەدى, بۇل باسەكەگە قابىلەتتى ءونىم شىعارۋ كولەمىن ارتتىرۋعا مۇمكىندىك بەرەدى. ينۆەستيتسيا كولەمى – 216 ملرد تەڭگە.
Fabe-Agro كومپانياسى جىلىنا 38 مىڭ توننا كوكونىس وڭدەۋ قۋاتى بار اگروونەركاسىپ كەشەنىن قۇرادى. كەشەننىڭ قۇرامىنا جەم-ءشوپ, وسىمدىك مايلارى جانە باسقا دا ونىمدەر ءوندىرىسى كىرەدى. بۇل شيكىزاتتى جەرگىلىكتى جەردە وڭدەۋدى دامىتۋعا جانە يمپورتقا تاۋەلدىلىكتى ازايتۋعا ىقپال ەتەدى. ينۆەستيتسيا كولەمى – 68 ملرد تەڭگە.
تۇركىستانداعى ماقتا ءوسىرۋ اگروونەركاسىپ كەشەنى جىلىنا 121 مىڭ توننا وندىرىستىك قۋاتى بار ماقتانى تەرەڭ وڭدەۋ جوباسىن جۇزەگە اسىرادى. بۇل توقىما ونىمدەرىنە دەيىنگى تولىق تسيكلدى جولعا قويۋعا, جاڭا جۇمىس ورىندارىن اشۋعا جانە جەڭىل ونەركاسىپتىڭ دامۋىنا مۇمكىندىك بەرەدى. جالپى ينۆەستيتسيا كولەمى – 58 ملرد تەڭگە.
اتالعان جوبالاردىڭ بارلىعى ازىق-ت ۇلىك قاۋىپسىزدىگىن ارتتىرۋعا, اۋىل شارۋاشىلىعى ونىمدەرىن تەرەڭ وڭدەۋدى دامىتۋعا, يمپورتتى الماستىرۋعا جانە قوسىلعان قۇنى جوعارى ءونىم شىعارۋعا باعىتتالعان.
سونىمەن قاتار كۇن تارتىبىندە PepsiCo كومپانياسىنىڭ تۇزدى جەڭىل تاعامدار شىعارۋ جوباسىن ينفراقۇرىلىممەن قامتۋ ماسەلەسى دە تالقىلاندى. جوسپار بويىنشا كاسىپورىن جىلىنا 70 مىڭ توننا دايىن ءونىم وندىرەدى, ال ينۆەستيتسيا كولەمى شامامەن 200 ملرد تەڭگەنى قۇرايدى.