مىسىر تۋريزم جانە ەجەلگى تاريح مينيسترلىگى 3 مىڭ جىل بۇرىنعى التىن بىلەزىكتىڭ قولدى بولعانىن حابارلادى. جادىگەر پەرعاۋىن امەنەموپ داۋىرىنە تيەسىلى, دەپ جازادى Egemen.kz.
بىلەزىك كايردەگى ەگيپەت مۇراجايىنىڭ جوندەۋ زەرتحاناسىنان جوعالىپ كەتكەن. لازۋريت ورناتىلعان كونە اشەكەيدىڭ سۋرەتى اۋەجايلار مەن شەكارا بەكەتتەرىنە تاراتىلدى. بيلىك قۇندى مۇرانىڭ شەتەلگە كەتىپ قالۋىنان الاڭداۋلى.
باسپاسوزگە سۇيەنسەك, بىلەزىك ريمدە وتەتىن كورمەگە دايىندىق كەزىندە ۇرلانعان بولۋى مۇمكىن. قازىر ءىستى پروكۋراتۋرا قاراپ جاتىر.
ەگيپەتكە ەجەلگى جادىگەرلەردى كورۋگە تۋريستەر اعىلۋدا. 2025 جىلى ەلگە 18 ملن قوناق كەلەدى دەپ كۇتىلۋدە. ال بيىل قاراشادا گيزا پيراميدالارى ماڭىندا قۇنى 1 ملرد دوللارلىق كورمە اشىلادى.