كيبەر شابۋىلدىڭ جاڭا ءتۇرى پايدا بولدى

قۇقىقتىق ستاتيستيكا جانە ارنايى ەسەپكە الۋ كوميتەتىنىڭ مالىمەتىنشە, الاياقتار شەتەلدە كەڭىنەن قولدانىلىپ جۇرگەن جاڭا ءتاسىلدى پايدالانا باستاعان. ولار جۇرگىزۋشىلەرگە ەلەكتروندى پوشتا مەن مەسسەندجەرلەر ارقىلى جالعان ايىپپۇل قاۋلىلارىن جولداپ, ازاماتتىڭ جەكە دەرەكتەرى مەن اۆتوكولىك ءنومىرىن كورسەتىپ, «شترافتى تولەۋ» سىلتەمەسىن قوسادى.

ماماندار مۇنىڭ كادىمگى فيشينگتىك شابۋىل ەكەنىن ەسكەرتەدى. جۇرگىزۋشى بانك كارتاسىنىڭ دەرەكتەرىن ەنگىزگەن جاعدايدا, قىلمىسكەرلەر شوتقا تولىق قول جەتكىزىپ, قاراجاتتى يەمدەنەدى. كەيبىر سىلتەمەلەر قۇرىلعىعا ۆيرۋس جۇكتەپ, جەكە مالىمەتتەردى ۇرلاۋى مۇمكىن. مۇنداي جاعدايلار اقش پەن رەسەيدە تىركەلگەن, ال ەندى قازاقستانعا دا تارالۋ قاۋپى بار.

سول سەبەپتى باس پروكۋراتۋرا تومەندە كورسەتىلگەن جايتتاردى ەستەن شىعارماۋدى تاپسىرادى:

رەسمي حابارلامالار تەك 1414 قىسقا نومىرىنەن جولدانادى, ولاردا ەشقاشان سىلتەمە بولمايدى;

ايىپپۇلدىڭ بار-جوعىن تەك رەسمي رەسۋرستاردان — egov.kz, qamqor.gov.kz جانە بانك قوسىمشالارىنان تەكسەرۋ قاجەت.

سوندىقتان ۆەدومستۆو كۇماندى سىلتەمەلەرگە وتپەڭىز جانە بەلگىسىز فايلداردى اشپاۋدى, كۇدىكتى حابارلامالار بويىنشا اقپاراتتى تەك رەسمي سەرۆيستەر ارقىلى تەكسەرۋدى, كارتا دەرەگى ەنگىزىلىپ قويسا, ونى دەرەۋ بۇعاتتاۋدى ۇسىنادى.