الماتى قالالىق كيبەرپول قىزمەتكەرلەرى مەسسەندجەرلەرگە تىركەۋ ءۇشىن كوپ مولشەردە SIM-كارتالار مەن ءموبيلدى تەلەفونداردى ساتىپ الىپ, پايدالانعانداردى انىقتادى, دەپ جازادى Egemen.kz.
تەكسەرۋ بارىسىندا 400-دەن استام SIM-كارتا, ونداعان بانك كارتاسى مەن بىرنەشە ءموبيلدى تەلەفوننىڭ زاڭسىز ارەكەتتەر ءۇشىن قولدانىلعانى راستالدى.
الدىن الا مالىمەتتەر بويىنشا, SIM-كارتالار مەن تەلەفوندار telegram جانە whatsApp مەسسەندجەرلەرىندە تىركەۋ كەزىندە راستاۋ كودتارىن قابىلداۋ ءۇشىن ساتىپ الىنعان. قازىرگى تاڭدا ۇستالعان ازاماتتاردىڭ ينتەرنەت-رەسۋرستار ارقىلى جاسالعان بىرقاتار الاياقتىقتارعا قاتىسى بار-جوعى تەكسەرىلىپ جاتىر.