اقتاۋدا "Global Construction bi" جشس-ءنىڭ باسشىسىنا قاتىستى قىلمىستىق ءىس قوزعالدى. ول ءبىر پاتەردى بىرنەشە ساتىپ الۋشىعا ساتقان دەگەن كۇدىككە ءىلىندى, دەپ حابارلايدى Egemen.kz.
ماڭعىستاۋ وبلىسى پوليتسيا دەپارتامەنتىنىڭ مالىمەتىنشە, جابىرلەنۋشىلەردىڭ ارىزدارى نەگىزىندە قر قك 190-بابى («الاياقتىق») بويىنشا تەرگەۋ باستالدى.
1976 جىلى تۋعان كومپانيا ديرەكتورى ۋاقىتشا ۇستاۋ يزولياتورىنا قامالدى. تەرگەۋ ءجۇرىپ جاتىر, وزگە مالىمەتتەر ازىرگە جاريالانعان جوق.
اشۋلانعان ۇلەسكەرلەر 15 قىركۇيەكتە وبلىس اكىمدىگىنە بارعان. ولاردىڭ ايتۋىنشا, قۇرىلىس سالۋشى «جاقسىلىق» تۇرعىن ءۇي كەشەنىنىڭ بىردەي شارشى مەترىن بىرنەشە ساتىپ الۋشىعا قاتار ساتقان.
ارىزدانۋشىلار بۇل جاعدايدى الاياقتىق ارەكەت دەپ ساناپ, بيلىكتەن اراشا سۇرادى. اكىمدىك الدىندا جينالعان ادامدار قۇرىلىس كومپانياسىنىڭ ۇستىنەن شاعىم تۇسىرگەنىن مالىمدەدى.