تالدىقورعان قالاسىندا جەكە سوت ورىنداۋشىسى زاڭسىز جولمەن اليمەنت اقشاسىن قالتاسىنا باسىپ كەلگەن, دەپ جازادى Egemen.kz.
ءبىرىنشى كەزەڭدە ول اليمەنت تولەمدەرىن ءوندىرىپ الۋ تۋرالى اتقارۋشىلىق قۇجاتتار بويىنشا زاڭدى تۇردە بورىشكەرلەردىڭ جالاقىسىنان سومالاردى ۇستاپ قالۋ تۋرالى قاۋلى شىعارىپ, جۇمىس بەرۋشىلەرگە جىبەرگەن.
بورىشكەرلەردىڭ جۇمىس بەرۋشىلەرىنەن اقشا تۇسكەننەن كەيىن اقشانىڭ كوپ بولىگىن وزىنە قالدىرىپ, قالعانىن اليمەنت ءوندىرىپ الۋشىلارعا اۋدارعان.
ءبىر جاعدايدا سوت ورىنداۋشىسى بورىشكەردىڭ جالاقىسىنان اليمەنت ءوندىرىپ الۋدى 2025 جىلدىڭ ءساۋىر ايىنان باستاعان.
جۇمىس بەرۋشى ءساۋىر ايىنان ماۋسىم ايىنا دەيىن جەكە سوت ورىنداۋشىسىنىڭ شوتىنا 570 مىڭ تەڭگەدەن استام سوماعا اليمەنت تولەمدەرىن اۋدارعان. ال سوت ورىنداۋشىسى الىنعان سومانىڭ 170 مىڭ تەڭگەسىن عانا ءوندىرىپ الۋشىعا اۋدارىپ, قالعانىن جىمقىرعان.
تەكسەرۋ كەزىندە كۇدىكتىنىڭ وسىعان ۇقساس سحەمانى بىرنەشە رەت قولدانىپ, 2 ملن تەڭگەدەن استام سومانى قولدى ەتكەنى بەلگىلى بولعان.
تالدىقورعان قالاسىنىڭ پروكۋراتۋراسى وكىلەتتىگىن اسىرا پايدالانۋ فاكتىلەرى بويىنشا جەكە سوت ورىنداۋشىسىنا قاتىستى قىلمىستىق كودەكستىڭ 251-بابىمەن سوتقا دەيىنگى تەرگەپ-تەكسەرۋدى باستاعانىن حابارلادى.