قايعىلى وقيعا بۇگىن تاڭەرتەڭ № 47 ورتا مەكتەپتە بولعان. الدىن الا مالىمەت بويىنشا, 2011 جىلى تۋعان ءجاسوسپىرىم مەكتەپ دارەتحاناسىندا سىنىپتاسىمەن توبەلەسىپ, جاراقات العان. باسقا وقۋشىلار ونى ۇيىنە الىپ كەتكەن, بىراق ول جەدەل جاردەم كەلگەنشە قايتىس بولعان, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ حابارلاۋىنشا, جەدەل ىزدەستىرۋ شارالارى بارىسىندا كۇدىكتى ءجاسوسپىرىم انىقتالىپ, ۋاقىتشا ۇستاۋ يزولياتورىنا قامالعان.
«بۇل وقيعا بويىنشا قر قىلمىستىق كودەكسىنىڭ 106-بابىنىڭ 3-بولىگى بويىنشا سوتقا دەيىنگى تەرگەۋ باستالدى. قازىرگى ۋاقىتتا تولىق, وبەكتيۆتى جانە جان-جاقتى تەرگەۋگە باعىتتالعان بارلىق قاجەتتى جەدەل-ىزدەستىرۋ شارالارى جۇرگىزىلىپ جاتىر», دەلىنگەن حابارلامادا.