سەنات دەپۋتاتى اليشەر ساتۆالديەۆ مەملەكەت باسشىسى قاسىم-جومارت توقاەۆتىڭ قازاقستان حالقىنا ارناعان جولداۋىنا پىكىر ءبىلدىرىپ, وندا كوتەرىلگەن باستامالاردىڭ ەل بولاشاعى ءۇشىن ەرەكشە ماڭىزعا يە ەكەنىن اتاپ ءوتتى, دەپ حابارلايدى Egemen.kz.
سەنات دەپۋتاتى اليشەر ساتۆالديەۆتىڭ ايتۋىنشا, پرەزيدەنت قاسىم-جومارت توقاەۆتىڭ بۇگىنگى جولداۋى ءوزىنىڭ اۋقىمى مەن كوتەرگەن ماسەلەلەرى بويىنشا تاريحي بولىپ قالادى.
ء«بىر پالاتالى پارلامەنت قۇرۋ تۋرالى ۇسىنىس – قوعامدا كەڭىنەن تالقىلاناتىن باستاما. بۇل ماسەلە الداعى ءبىر جىل ىشىندە حالىق پەن بارلىق ينستيتۋتتار تاراپىنان جان-جاقتى قارالادى», دەدى سەناتور.
ول مەملەكەت باسشىسىنىڭ جاستارعا ارناعان ءسوزىن دە ەرەكشە اتاپ ءوتتى.
«پرەزيدەنت زاڭ ۇستەمدىگى مەن ءتارتىپتىڭ ماڭىزدىلىعىن اتاپ ءوتىپ, جاستارعا ۇلكەن سەنىم ارتتى. الىمجەتتىك پەن ورىنسىز قاقتىعىستاردان اۋلاق بولىپ, بولاشاق ءۇشىن ەڭبەك ەتۋ كەرەكتىگىن ايتتى. جاساندى ينتەللەكتىنى ەنگىزۋ ماسەلەسى دە جاستارعا تىكەلەي قاتىستى», دەدى ساتۆالديەۆ.
سەناتوردىڭ ايتۋىنشا, جولداۋدا كورسەتىلگەن تاپسىرمالاردى جۇزەگە اسىرۋ ءۇشىن پارلامەنت ءبىر جىل ىشىندە ءتيىستى زاڭداردى قابىلداۋعا كىرىسەدى.