اقتوبە قالاسىندا جەدەل ءىس-شارا بارىسىندا 31 جاستاعى رەپ-ورىنداۋشى جول-پاترۋلدىك پوليتسياسىنىڭ قولىنا ءتۇستى. ول كولىكتى ەسىرتكىلىك ماساڭ كۇيدە تىزگىندەگەن, دەپ جازادى Egemen.kz.
ءتىنتۋ كەزىندە قۇقىق قورعاۋشىلار ودان ۇنتاق تۇرىندەگى بەلگىسىز زات سالىنعان زيپ-پاكەت تاركىلەدى. ساراپتاما ناتيجەسى ونىڭ سينتەتيكالىق ەسىرتكى ەكەنىن كورسەتتى. سونداي-اق مەديتسينالىق كۋالاندىرۋ جۇرگىزىلىپ, كۇدىكتىنىڭ كولىكتى ەسىرتكىلىك ماس كۇيىندە باسقارعانى دالەلدەندى.
اتالعان دەرەككە بايلانىستى قىلمىستىق ءىس قوزعالدى.
سونىمەن قاتار, سوت شەشىمىمەن قۇقىق بۇزۋشى 15 تاۋلىككە اكىمشىلىك قاماققا الىنىپ, جەتى جىلعا كولىك جۇرگىزۋ قۇقىعىنان ايىرىلدى.