جىل باستالعالى بەرى وبلىستىڭ سۋ ايدىندارىندا 25 ادام اجال قۇشىپتى. شومىلۋ ماۋسىمىنىڭ جابىلۋىنا وراي بريفينگ وتكىزگەن وبلىستىق توتەنشە جاعدايلار دەپارتامەنتى ماماندارى وسىنداي مالىمەت ايتتى, دەپ حابارلايدى Egemen.kz.
سۋعا كەتكەندەردىڭ 11-ءى بالا. وقىس جاعدايلار قىزىلوردا قالاسى مەن قارماقشى, ارال اۋداندارىنان كوبىرەك تىركەلىپ وتىر. دەپارتامەنتتەگىلەر دەرەگىنشە وتكەن جىلى 14 ادام, ونىڭ ىشىندە 10 بالا سۋعا كەتىپ كوز جۇمعان.
«بيىل وبلىس اۋماعىندا رەسمي تۇردە بەكىتىلگەن 7 جاعاجايدىڭ التاۋى عانا جۇمىس ىستەدى. قايعىلى جاعدايلاردىڭ نەگىزگى سەبەبى قاۋىپسىزدىك ەرەجەلەرىن ورەسكەل بۇزۋدان بولعان. اعىسى جىلدام, تەرەڭ, جاعاسى تىك جار وزەن, كانالدارعا ءتۇسۋ, سپيرتتىك ىشىمدىك ءىشىپ شومىلۋ تىيىلماي تۇر. ۇلكەندەر بالالاردى كوبىنە باقىلاۋسىز قالدىرادى. جىل باسىنان بەرى سۋ ايدىندارىندا قاۋىپسىزدىك قاعيدالارىن بۇزعانى نەمەسە ورىنداماعانى ءۇشىن 48 اتا-اناعا ايىپپۇل سالىندى», دەدى دەپارتامەنتتىڭ باسقارما باستىعى جاندوس دوسىموۆ.
سۋعا شومىلۋعا تىيىم سالىنعان 63 ايماققا 400-گە جۋىق ەسكەرتۋ تاقتايشاسى ورناتىلىپ, دەپارتامەنت تاراپىنان 24 ءموبيلدى پوست قويىلعان.