ءماجىلىستىڭ العاشقى پلەنارلىق وتىرىسىندا «اق جول» پارتياسىنان جاڭا دەپۋتات تىركەلدى, دەپ حابارلايدى Egemen.kz.
ءماجىلىس توراعاسى ەرلان قوشانوۆ ارىپتەسى ەرجان بەيسەنباەۆتىڭ دەپۋتاتتىق وكىلەتتىگى توقتاعانىن مالىمدەدى. ول «اق جول» پارتياسىنىڭ شەشىمىمەن قىزمەتىنەن كەتتى. سپيكەر ونىڭ ەڭبەگىنە ريزاشىلىعىن ءبىلدىرىپ, دەپۋتاتتىق جۇمىسى ءۇشىن العىس ايتتى.
ونىڭ ورنىنا ورتالىق سايلاۋ كوميسسياسىنىڭ قاۋلىسىمەن «اق جول» دەموكراتيالىق پارتياسىنان ولجاس نۇرالدينوۆ دەپۋتات بولىپ تىركەلدى. ەرلان قوشانوۆ ونىڭ رەسمي تۇردە ءماجىلىس قۇرامىنا قابىلدانعانىن اتاپ ءوتتى.
جاڭا دەپۋتات العاشقى وتىرىستا ەلگە ادال قىزمەت ەتۋگە, مەملەكەتتىڭ تاۋەلسىزدىگى مەن تۇتاستىعىن نىعايتۋعا, كونستيتۋتسيا مەن زاڭداردى قاتاڭ ساقتاۋعا جانە دەپۋتاتتىق مىندەتتەرىن ادال ورىنداۋعا انت بەردى.