التىندى اڭساعان شيرەك عاسىر...

اڭگىمەمىزدىڭ «القيس­سا­سىن» گرەك-ريم كۇ­رەسىنەن باستاساق. ەلى­مىزدىڭ ۇلتتىق قۇراماسى الەم چەم­پيوناتتارىنا 1993 جىلدان بەرى ۇزبەي قاتىسىپ كەلەدى. سول جىلى شۆەتسيانىڭ باس شاھارى ستوكگولمدە وتكەن باسەكەدە داۋ­لەت تۇرلىحانوۆ (82 كگ) كۇمىس مە­دالدى موينىندا جارقىرات­تى. في­نالدا تۇركيالىق حامزا ­ەرلىك­ايدان ۇتىلدى. ءسويتىپ, بۇ­عان دەيىن الەم چەمپيوناتىنىڭ التىنى مەن قولا مەدالىن ول­جالاعان داڭقتى بالۋانىمىز سكان­ديناۆيا تۇبەگىندە دە جەڭىس تۇ­عى­رىنا كوتەرىلدى.

1994 جىلى سەگىز بالۋانىمىز فينليانديانىڭ تامپەرە قالاسىنا ساپار شەكتى. سولاردىڭ اراسىنان يۋري مەلنيچەنكو (57 كگ) سۋىرىلىپ شىقتى. بار­لىق قارسىلاستارىن قاپى قال­دىرىپ, الەم چەمپيونى اتاندى. فينالدا رەسەيلىك الەكساندر يگناتەنكونىڭ تاس-تالقانىن شىعاردى.

1995 جىلعى دۇنيەجۇزىلىك دودانى چەحيانىڭ استاناسى قا­بىل­دادى. پراگادا قورجىنىمىز­عا قوس كۇمىس مەدال ءتۇستى. ونىڭ يەگەرلەرى – يۋري مەلنيچەن­كو (57 كگ) مەن باقتيار بايسەيى­توۆ (74 كگ). قوس بالۋان دا اسقان شە­بەرلىك تانىتتى. مەلنيچەن­كو باستاپقى باسەكەلەردىڭ بىرىندە ايگىلى الەكساندر يگناتەنكو­نى ۇتسا, بايسەيىتوۆ جارتىلاي فينالدا وليمپيا ويىن­دا­رى­نىڭ جەڭىمپازى, الەمنىڭ ءۇش دۇركىن چەمپيونى مناتسكان يسكان­دەرياننان ايلاسىن اسىر­دى. بىراق اقتىق ايقاستا جەرلەس­تەرىمىزدىڭ جولى بولمادى. يۋري امەريكالىق دەنيس حالعا, باق­تيار فرانتسۋز يۆون ريامەرگە ەسە جىبەردى.

1997 جىلى پولشانىڭ ۆورتس­لاۆ قالاسىندا يۋري مەل­ني­چەنكو (58 كگ) ەكى دۇركىن الەم چەمپيونى اتاندى.

1998 جىلى شۆەتسيانىڭ ەۆلە قالاسىندا ەلىمىزدىڭ بالۋاندارى وز­دەرىنىڭ مىقتىلىعىن تۇپكىلىكتى مويىنداتتى. تورتكۇل دۇنيە­نىڭ تەڭدەسسىزدەرى باس قوسقان جارىستا ءبىزدىڭ كوماندانىڭ قور­جىنىنا قوس التىن مەدال ءتۇستى. محيتار مانۋكيان (63 كگ) قار­سى كەلگەندەردىڭ بارلىعىن قوعا­داي جاپىرىپ ءوتتى. باقتيار باي­سەيىتوۆ (76 كگ) فينالدا وليم­پيا­دا چەمپيونى, كۋبالىق روبەرتو فەليبەرتو اسكۋيانى تازا ۇتتى.

1999 جىلى گرەكيانىڭ افي­ناسىندا محيتار مانۋكياننىڭ (63 كگ) قايتا باعى جاندى. ول جەڭىس تۇعىرىنىڭ ەڭ بيىك ساتىسىنا كوتەرىلسە, يۋري مەلنيچەنكو (63 كگ) ەكىنشى مارتە كۇمىس جۇلدەگەر اتاندى.

2001–2009 جىلدار ارال­ىعىن­دا قازاقستان قۇراماسى جەتى الەم چەمپيوناتىنا قاتىسىپ, سونىڭ تورتەۋىنەن قورجىنى بوس قايت­تى. اتاپ ايتساق, 2001, 2002, 2006, 2007 جىلدارى جەرلەستەرىمىز ء­وز جانكۇيەرلەرىن قۋانتا المادى. 2003 جىلى گەورگي تسۋرتسۋميا (120 كگ) قولا مەدال السا, 2005 جىلى ەرمەك كوكەتوۆ (55 كگ), 2009 جىلى نۇرباقىت تەڭىزباەۆ ­(60 كگ) سول مەجەدەن كورىندى.

2010 جىلى ماسكەۋدە قوس قانداسىمىز – المات كەبىسباەۆ (60 كگ) پەن نۇرماحان تىناليەۆ (120 كگ) قولا مەدال يەلەندى. 2011 جىلى ىستانبۇلدا الماتتىڭ التىن الۋعا تاماشا مۇمكىندىگى بولدى. الايدا فينالدا قانداسى­مىز يراندىق وميد نوۋريزيگە ەسە جىبەردى. نۇرماحان تاعى دا ءۇشىنشى ورىنعا تابان تىرەدى. 2013 جىلى بۋداپەشتتە ن.تىناليەۆ الەمدىك دودادا ءۇشىنشى رەت قولا مەدالدى ەنشىلەدى.

2015–2021 جىلدار ارالىعىن­دا المات كەبىسباەۆ (59 كگ, 63 كگ, 67 كگ) تاعى ءۇش رەت قولا مە­دالدى ولجالادى. وسى جىلدارى ۇيىمداستىرىلعان جارىستار­دا الماتتان بولەك, تاعى بىرەشە بالۋاننىڭ باعى جاندى. اتاپ ايتساق, 2015 جىلى لاس-ۆەگاستا دوسجان قارتىقوۆ (75 كگ) كۇمىس السا, 2017 جىلى پاريجدە مەيرامبەك ايناعۇلوۆ (59 كگ) پەن دەمەۋ جادىراەۆتىڭ (71 كگ) باس جۇلدەنى ولجالاۋعا تاماشا مۇمكىندىكتەرى بولدى. بىراق شەشۋشى سايىستا مەيرام­بەك­تىڭ جاپونيالىق كەنيتيرو فۋ­ميتاعا, دەمەۋدىڭ گەرما­نيا­لىق فرانك شتەبلەرگە ءالى جەتپەدى.

2018 جىلى بۋداپەشتتە ايدوس سۇلتانعالي (60 كگ) مەن مەيىر­جان شەرماعاحانبەت (67 كگ) ءۇشىن­شى ساتىعا جايعاستى. 2019 جىلى استانادا قورلان جاقانشا (55 كگ) ەكىنشى, مەيرامبەك ايناعۇلوۆ (60 كگ) ءۇشىنشى ورىنداردى ەنشىلەدى.

2022 جىلى بەلگرادتا ايدوس سۇلتانعالي (60 كگ) ۇزدىك ۇش­تىكتى تۇيىندەدى. 2023 جىلعى سەر­بيانىڭ استاناسىنداعى جارىس­تا جەرلەستەرىمىز تەگىس ۇتىلدى. بىلتىر تيرانادا وليمپيادالىق ەمەس سالماق دارەجەلەرى بويىن­شا وتكەن الەمدىك دودادا ەرجەت جا­رىلقاسىن (63 كگ) ەر­لەدى. فينال­عا دەيىن جەتكەن ول ازەر­بايجان­دىق نيحات مامەدليدەن ۇتىلىپ, كۇمىستى قاناعات تۇتتى.

1993–2025 جىلدار ارالىعىن­دا جالاۋى جەلبىرگەن الەم چەمپيوناتتارىندا ەلىمىزدىڭ گرەك-ريم كۇرەسى شەبەرلەرى 5 التىن, 9 كۇمىس, 15 قولاعا قول جەتكىزدى. بارلىعى – 29 جۇلدە. ارينە, بۇل از تابىس ەمەس. دەگەنمەن ءبىزدى قىن­جىلتاتىنى – التىننىڭ ازدى­عى. باس جۇلدەنىڭ بەسەۋىن دە ءبىز حح عاسىردا الدىق. سوڭعى رەت 1999 جىلى افينادا ءانۇرانىمىز شىرقالدى. سودان بەرى شيرەك عاسىردان اسا ۋاقىت ءوتتى. ناق­تىلاپ ايتساق, 26 جىلدا 20 جارىس­تىڭ جالاۋى جەلبىرەدى. سول ۋاقىت ىشىندە كۇرەستىڭ وسى ءتۇرىن سەرىك ەتكەن بىردە-ءبىر ساڭلاعىمىز جەڭىس تۇعىرىنىڭ ەڭ بيىك ساتىسىنا كوتەرىلە العان جوق.