قاراعاندى. 23 ماۋسىم. وسى ايدىڭ باسىندا قاراعاندى وبلىسىنداعى ساتباەۆ قالاسىندا بەلگىسىز بىرەۋ پوليتسيا قىزمەتكەرىن پىشاقتاپ ولتىرگەن بولاتىن. جاقىندا جەدەل ىزدەستىرۋ شارالارىنىڭ ارقاسىندا كۇدىكتى قولعا ءتۇستى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
ساتباەۆ قالاسىنىڭ پوليتسيا قىزمەتكەرلەرى ءۇشىن ارىپتەستەرىن ولتىرگەن قىلمىسكەردى ىزدەپ تابۋ نامىستىڭ شارۋاسى ەدى. ەكى اپتا بويى توڭىرەكتى تۇگەل سۇزگەن ىزدەۋ شاراسى ءساتتى اياقتالىپ, كۇدىكتى قولعا ءتۇستى.
قازىرگى ۋاقىتتا ۋاقىتشا ۇستاۋ يزولياتورىندا قاماۋدا وتىرعان ول ساتباەۆ قالاسىنىڭ 30 جاستاعى تۇرعىنى بولىپ شىقتى. تەرگەۋ بارىسىندا ۇستالعان ازامات پوليتسيا قىزمەتكەرىن ەكەۋىنىڭ اراسىندا ورىن العان كيكىلجىڭ ءۇشىن ولتىرگەنىن مويىندادى. كۇدىكتى 46 جاستاعى جول-پاترۋل پوليتسياسى قىزمەتكەرىنىڭ ۇيىنە تەرەزە ارقىلى ءتۇسىپ, بىرنەشە جەرىنەن پىشاق سالعان.
ەلدى ەلەڭ ەتكىزگەن وسى وقيعاعا قاتىستى تەرگەۋ امالدارى جۇرگىزىلىپ جاتىر.
قايرات ءابىلدينوۆ.
دەرەك: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
سۋرەت: diapazon.kz.