الەۋمەتتىك جوبانىڭ الەۋەتى

ۇيىمداستىرۋشىلار­دىڭ پىكىرىنشە, قالا مەكتەپتەرىنىڭ وقۋشىلارعا, اتا-انالارعا, ۇستازدارعا تارتىمدىلىعىن ارتتىرۋدا بۇل جوبانىڭ ماڭىزى جوعارى. «مەكتەپكە ارنالعان مەكتەپ» جوباسىنا قالاداعى №47, №20, №40 جالپى ءبىلىم مەكتەپتەرى مەن و. جاندوسوۆ اتىنداعى №105 گيمنازيا قاتىسادى.

«قازىر عالامداعى وزگە­رىستەر ادامزاتتان اسقان جىل­دامدىقتى تالاپ ەتىپ جاتىر. بۇل ءبىلىم سالاسىنىڭ جاڭارۋىنا, زاماناۋي تەحنولوگيالاردى جىلدام مەڭگەرۋدى مەڭزەيدى. وسى ورايدا تارتىمدى مەكتەپتەر قاتارىن كوبەيتۋ ۋاقىت تالابىنان تۋىنداپ وتىر. تارتىمدى مەكتەپتەر ينفراقۇرىلىمىمەن عانا ەمەس, بىلىكتى پەداگوگتەر, جاڭا زامانعا لايىق ما­­ماندار, بولاشاقتىڭ ماماندارىن تاربيەلەۋگە باع­دار­لانعان ادىستەمەلىك كە­شە­­نىمەن ەرەكشەلەنەدى. بۇگىن­گى قالىپتاسقان جاعداي­دا تارتىمدى مەكتەپتەرگە سۇرانىستىڭ جوعارى ەكەنى­نە كوز جەتكىزىپ وتىرمىز. تارتىمدى مەكتەپ – ءوز بەتىن­شە دارا بولىپ تابىلاتىن, ياعني وقۋشىلار وقۋعا اسى­عاتىن, اتا-انالار بالاسىن ورنالاستىرۋعا ۇمتىلاتىن, ال ۇستازدار جۇمىس ىستەۋگە قۇشتار ءبىلىم ورداسى. ونداي مەكتەپتەردە پەداگوگتەر جۇ­مىسىن تاستاپ كەتپەيدى, وقۋ­شىلار زور قۇلشىنىسپەن ءبىلىم الادى, اتا-انالار ءبىلىم وشاعىن قولداۋعا ءاردايىم دايىن تۇرادى. مۇنداي مەك­تەپتەردە ءار بالاعا جەكەلەگەن ادىستەمەلىك باعدار قاراستىرىلعان. بۇگىندە بالالار قاۋىپسىزدىگى باستى نازاردا تۇرعان كەزەڭدە تارتىمدى مەكتەپتەر قاتارىن كوبەيتۋ ارقىلى ءبىلىم سالاسىنداعى ولقىلىقتاردى جويۋعا بولادى. بالالارعا ساپالى ءبىلىم بەرۋ, قاۋىپسىزدىگىن قامتاماسىز ەتۋ مەكتەپ پەن اتا-انانىڭ جاۋاپكەرشىلىگىندە. ولاي بولسا, تارتىمدى مەكتەپتەر قاتارىن كوبەيتۋ ارقىلى با­لالاردىڭ جارقىن بولاشا­عىن قامتاماسىز ەتۋگە بارشامىز اتسالىسۋعا مىندەتتىمىز», دەيدى الماتى قالاسى اكى­مىنىڭ جانىنداعى ايەلدەر ىستەرى جانە وتباسىلىق-دەموگ­رافيالىق ساياسات جونىندەگى كوميسسيا مۇشەسى, «EDU Stream» حالىقارالىق ءتىل اكا­دەمياسىنىڭ باس ديرەكتورى ناتاليا مۇحامەدجانوۆا.

ءبىلىم سالاسىنداعى تەڭسىز­دىكتى جويۋ­دى ماقسات ەتىپ وتىرعان الەۋمەتتىك جوبا تاڭ­دالعان مەكتەپتەردەگى ءبى­لىم كورسەتكىشىن ارتتىرۋعا قولداۋ كورسەتىپ, تالىمگەرلىك ارقىلى قوعامدىق باستامالاردى جۇمىلدىرا وتىرىپ, الەۋەتىن كوتەرۋگە كۇش سالادى. «مەكتەپكە ارنالعان مەكتەپ» قاناتقاقتى جوباسى ءبىر جىل كولەمىندە «1 مەكتەپ-مەنتور + 3 مەكتەپ-مەنتي» فورماتىندا تىكەلەي جۇمىس ىستەيدى. مەنتور قىزمەتى و.جاندوسوۆ اتىنداعى №105 گيمنازياعا جۇكتەلگەن. گيمنازيا مەكتەپ-مەنتيلەردىڭ باسقارۋشى پەرسونال جۇيەسىن رەتتەۋ مەن دامۋ ستراتەگياسىن قالىپتاستىرۋعا, بىلىكتىلىگىن كوتەرۋگە ىقپال ەتەتىن بولادى. №105 گيمنازيا ديرەكتورىنىڭ عىلىمي-ادىستەمەلىك جۇمىستار جو­نىندەگى ورىنباسارى ەلميرا مولوتوۆانىڭ ايتۋىنشا, بۇگىندە تۇلەكتەرى ەلىمىزدىڭ جانە شەتەلدىڭ وقۋ ورىندارىنا تۇسۋدە جوعارى ناتيجەگە قول جەتكىزىپ وتىرعاندىق­تان, مەكتەپ مۇعالىمدەرى يۋنەسكو جانە IB جوبالارىندا مول تا­جىريبەسىمەن بولىسۋگە دايىن.

جوبا اياسىندا تەگىن مەن­تورلىق جۇمىس كەزەڭ بويىنشا ءتورت باعىتتا جۇزەگە اساتىن بولادى. وندا اكىمشىلىك-باسقارۋشى پەرسونالمەن, پەداگوگتەر قۇرامىمەن, وقۋشىلارمەن, اتا-انامەن جۇمىس جوس­پارلانعان. جوبا باستاماشىلارى ماسەلەنى جان-جاقتى قاراستىرۋ ارقىلى وسى ۇردىسكە قاتىسى بار تاراپتاردى قامتي وتىرىپ, وڭ نا­تيجەگە قول جەتكىزۋگە بولادى دەگەن سەنىمدە.

جوباعا ىرىكتەلگەن مەكتەپ-مەنتيلەر – جوعارى كور­سەتكىشتى ماقسات ەتەتىن ءبى­لىم الۋشىلارعا ساپالى ءارى ناتيجەلى ءبىلىم بەرۋدى كوز­دەي­دى. سايكەسىنشە, «3 مەكتەپ-مەنتي» – № 47, № 20, №40 جالپى ءبىلىم مەكتەپتەرى قالانىڭ ءارتۇرلى اۋدانىنان تاڭدالعان. كورسەتكىشى ورتاشا بولعانىمەن, بولاشاقتا ءبىر ماقساتقا قول جەتكىزۋدى كوزدەيدى.

جوبا اياسىندا جاسوس­پى­­رىم­دەرگە كاسىپ تاڭداۋعا جانە اتا-انالارعا بولاشاقتا كاسىبي تۇرعىدا وسۋگە قولداۋ كورسەتىلەدى. ءجاسوسپىرىم بالاسى بار اتا-انالارعا «اتا-انانىڭ ءرولى قاي جەردە اياقتا­لىپ, قاي جەردە ۇستازدىڭ جاۋاپكەرشىلىگى باستالاتىنىن» كوۋچينگ ارقىلى ءتۇرلى كومەك قۇرالدارىن ۇسىناتىن بولادى. سونىمەن قاتار پەداگوگتەر قۇرامىنا وقىتۋدى ۇيىمداستىرۋ, ادىستەمەلىك وقۋلىقتار جيىنتىعىن ۇسىنۋ, ءبىلىم بەرۋ ءادىسىن تۇزەتۋ, اسسەسسمەنت, تالانتتاردى باس­قارۋ جاعىنان ادىستەمەلىك كومەك كورسەتۋ جانە باسقارۋ جۇيەسىنە قاتىستى كەڭەس بەرۋ كوزدەلگەن.

الماتى